Joyn 16:30 - The New Testament in the Babanki language

³⁰ Yès yen li luwen la wù kɨli no nyʉ̀ ə tsèm, ə yen la wìʼ ə ko diʼ ə mbe bèmə kənyʉ̀ bèmə fa wù. Nakènkə nè li yès ə byɨmə la wù lù vì fa ben ə Nyìngòŋ.”

Joyn 16:30 ပူးပေါင်းရင်းမြစ်များ

Joyn 16:17

Ndzɨ̀mtə̀sə bàm wen sə tsensə sə bèmə a vəwenə a ntìntìn la, “Ghə̀ tə gàʼ la, ‘Ghə̀ŋ laʼtə to lə kò və be a yen mo ə laʼtə to alə̀ ə bwensə yen mo,’ kə diʼ la ghò? Ghə̀ lə gàʼ alə̀ la, ‘Byìʼàndo ma dyʉ̀ a ben Tìʼ,’ kə diʼi la ghò?”

Joyn 16:23

“Kətsi na kì ə na kwʉ̀ʼ, a ghə̀ŋ faŋ kò ghə̀ lə be bèm kənyʉ̀ a mò. Ma gaʼa a ghə̀ŋ to no nəmwèʼè la, Tìʼ ə na ku no tèbe ghò yi a ghə̀ŋ bèmə chò fa mo a əzhiʼ.

Joyn 16:26

Kətsi na kì na kwʉ̀ʼ, a ghə̀ŋ ne bèmə əfo a Tìʼ ghom chò fa mo əzhiʼ, to fa ghə̀ŋ a ngeŋsə. Ma ko gàʼà la, a na ə be bèmə mò bèmə kəfo fa Tìʼ a ghə̀ŋ akəshi.

Joyn 16:31

Yesò ə bwensə bèm a vəwenə la, “A ghə̀ŋ byɨmə li luwen?

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 2:11

Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Joyn 5:20

Fa mbwo Tìʼ ə kòŋə wàyn wen, ghə̀ diʼ li no nyʉ̀ tsèm a ghə̀ nè a wen. Ghə̀ ə diʼi nyʉ̀ kaynəvə a wen a və chò na kenkə.

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.