Joyn 16:27 - The New Testament in the Babanki language

²⁷ Jòʼ. Tìʼ no fa wen a ngeŋ ne kòŋ ghə̀ŋ byìʼàndo ghə̀ŋ kòŋ li mò, be byɨmə la mà lù fa ben nə̀ Tìʼ.

Joyn 16:27 ပူးပေါင်းရင်းမြစ်များ

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

Joyn 14:21

“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 16:30

Yès yen li luwen la wù kɨli no nyʉ̀ ə tsèm, ə yen la wìʼ ə ko diʼ ə mbe bèmə kənyʉ̀ bèmə fa wù. Nakènkə nè li yès ə byɨmə la wù lù vì fa ben ə Nyìngòŋ.”

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Joyn 2:11

Wokenkə ndiʼ mbì kənyʉ̀ kəkaynəkə a Yesò ə ne a ntə̀ʼ Kanà a loʼ Galìlì, ə diʼ kədyòʼ kə wen. Ndzɨ̀mtə̀sə bàm ə wen sə mu byɨmə ə wen.

Joyn 3:13

Nò wìʼ ə mùʼ ə ko təmə kwèn akàŋ, chò to Wàyn Wìʼ a ghə̀ lu fa kàŋ ə shiʼi a nse.

Joyn 7:29

ali ma kɨ wen byìʼàndo mà lù fa wen a ben mu à tɨm əwen ətɨm mo.”

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

1 Kolìntyàns 15:47

Wù mbì ndiʼ mu və shɨtə nə̀ kətsoʼ kə, wù bàm ə sə diʼ mu ghə̀ lu fa kaŋ.

1 Kolìntyàns 16:22

Wìʼ sətsèn diʼ ke kòŋ Bobo, Ndòyn a wen a kətʉ. Bobo vi a yès!

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

Hibùlù 12:6

Wu kɨ la Bobo nə̀ kòŋ wìʼ, ghə̀ sə tisə wen, lyɨ̀ no ndò a wen a nə̀ wàyn, ghə̀ sə ziʼi wen nə̀ ngwàyn.”

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

1 Joyn 4:19

Vəghəŋ dìʼi ə nkòŋə̀ byìʼàndo Nyìngòŋ ə ncho li mbì ə̀ kòŋ vəghəŋ.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.

Kəmwetə 3:9

Ghə̀ŋ zhʉtə a! mà a nè viʼi ntsèntə̀ Satan vi a və jèʼè lobtə̀ gàʼà la vəwenə diʼ vəjew lì, ə vəwenə vi ə̀ làŋtə à ghə̀ŋ a shɨ ə̀ yèn la mà kòŋə̀ ghə̀ŋ.