Joyn 16:26 - The New Testament in the Babanki language

²⁶ Kətsi na kì na kwʉ̀ʼ, a ghə̀ŋ ne bèmə əfo a Tìʼ ghom chò fa mo əzhiʼ, to fa ghə̀ŋ a ngeŋsə. Ma ko gàʼà la, a na ə be bèmə mò bèmə kəfo fa Tìʼ a ghə̀ŋ akəshi.

Joyn 16:26 ပူးပေါင်းရင်းမြစ်များ

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 16:19

Yesò ə kɨ la vəwenə sə kəŋ ə bèm kənyʉ̀ a kènkə a wen ə mu gàʼ a vəwenə la, “A ghə̀ŋ kayntə̀ kənyʉ̀ kì a mà gàʼ la, ‘Kə laʼtə to lə̀ ko ghə̀ be a yen mo, ə laʼtə to lə ə bwensə yen mo.’

Joyn 16:23

“Kətsi na kì ə na kwʉ̀ʼ, a ghə̀ŋ faŋ kò ghə̀ lə be bèm kənyʉ̀ a mò. Ma gaʼa a ghə̀ŋ to no nəmwèʼè la, Tìʼ ə na ku no tèbe ghò yi a ghə̀ŋ bèmə chò fa mo a əzhiʼ.

Joyn 16:30

Yès yen li luwen la wù kɨli no nyʉ̀ ə tsèm, ə yen la wìʼ ə ko diʼ ə mbe bèmə kənyʉ̀ bèmə fa wù. Nakènkə nè li yès ə byɨmə la wù lù vì fa ben ə Nyìngòŋ.”

Joyn 17:19

Ma kù wen ghomə a wù ndiʼ vəwenə be boŋ kù təwen tə vəwenə a wù nəmwèʼè.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Joyn 17:9

“Ma ko jɨ̀mə̀ tebè a viʼi mbyi. Ma jɨ̀mə̀ a vəwenə vi a wù kù a mò, a diʼ viʼi vyə.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.