Joyn 16:25 - The New Testament in the Babanki language

²⁵ “Mà temlə nyʉ̀ to tèmlə a ghə̀ŋ ali əzhʉ̀ diʼ ə vì a mà ko be a ngàʼà a ghə̀ŋ a ji ghèn. Ma na shə̀ʼtə̀ mwetə nyʉ̀ kumə Tìʼ a ghə̀ŋ.

Joyn 16:25 ပူးပေါင်းရင်းမြစ်များ

Ŋwàʼlə̀ Mak 4:13

Ando Yesò ngàʼa a lì mù bèm à vəwenə la, “Kə diʼ la ghə̀ŋ ko zhʉ kɨ ngàyn aghèn mu? Ghə̀ŋ le sətsèn fàŋ ke kɨ kənyʉ̀ a ngàyn ghèn ə dìʼsə, ghə̀ŋ bè lə̀ kɨ ngàyn tsen a?

Ŋwàʼlə̀ Mak 4:34

Ghə̀ nko shə̀ʼtə̀ kənyʉ̀ à vəwenə kèn la ghə̀ mò a nə̀ ngàyn, alì ghə̀ nè bwènə̀ dyʉ̀ a bàm, ghə̀ shɨ̀tə̀ shə̀ʼtə̀ kənyʉ̀ a ngàynsə a shìsə dìʼsə à ndzɨ̀mtə̀sə bàm wen.

Ŋwàʼlə̀ Mak 8:32

Yesò nè gàʼ ə̀ laynsə à vəwenə a lì no a zhʉ̀ kò, Bità gùftə̀ wen a bàm, ə̀ kənkə wen gàʼà la, “Kə ghə̀ be à gàʼ a ji ghèn.”

Joyn 10:24

viʼi Jus vətsenvə vì zhùŋtə̀ a wen a ben ə bèm a wen la, “wù na ghʉ yès ə yès kəʼtə ə zaʼa fa ze? Shə̀ʼtə̀ a yès əbòʼ a ndayn a zhʉ a wù diʼ Wìʼ yi a və tsuʼ li ə ghʉ.”

Joyn 10:6

Yesò ə mò ngàyn a ghèn, ali viʼi vyi a və nzhʉtə nko kɨ la ghə̀ ngàʼà la ghò lò.

Joyn 16:12

“Mà bò kiʼi nyʉ̀ ə gàʼ a ghə̀ŋ to kədə̀ŋ, ali mu ghə̀ŋ sətsèn əzhʉ̀ luwen, və a ku ngəʼ a ghə̀ŋ.

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Joyn 16:32

Əzhʉ ne vì, ma gàʼà ali mu à sə diʼ to no wenə ghə̀ lə, ghə̀ŋ diʼ ə ghəsə ə no ndò ə phwò. Ghə̀ŋ wʉ̀sə mò, a mà sə diʼ to mo nyɨŋ, ali ko ma laynsə diʼ to mò nyɨŋ byìʼì ando Tìʼ ə diʼ yo wen.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.