Joyn 16:22 - The New Testament in the Babanki language

²² Kə lə diʼ to ndə̀ŋndəŋ luwen a ghə̀ŋ, ando ghə̀ŋ kusə shinsə, ali ma diʼ ə ne be ə yen ghə̀ŋ la ghə̀ŋ, ghə̀ŋ ə̀ saŋlə, ko wìʼ diʼ ə nè la kə ghə̀ŋ be sàŋlə.

Joyn 16:22 ပူးပေါင်းရင်းမြစ်များ

Matìyò 28:8

Ki vi zàŋsə̀ lù fa benə sè yì nə̀ fanə alì saŋlə̀ no nànto mù nyɨŋ ədyʉ̀ shə̀ʼtə̀ à ndzɨ̀mtə̀sə bàm Yesò.

Ŋwàʼlə̀ Luk 10:42

A diʼ tò kənyʉ̀ kə mùʼ a və kəŋ. Mèli tsuʼli kənyʉ̀ kə jùŋ kə a kì a və ko zì və be shi fà wen.”

Ŋwàʼlə̀ Luk 16:25

Ablaham gàʼ à wen la, ‘Wàyn, kə wù à lyèsə la wù nzhɨ njùŋ wù ando wù mbu tsi a mbyi, Lazalùs bè yenə ngəʼ wen. Luwen mù sə diʼ, ghə̀ zhɨ wenə wen a shə̀, wù bòŋsə zhʉ əlɨ̀m.

Ŋwàʼlə̀ Luk 19:26

Ghə̀ bwènsə̀ gàʼ la, ‘No ndo a kiʼi və a ku ə kwùʼsə̀ a wen, à be gho no ndo, və à myètə̀ shi tè kətyeftə kì a ghə̀ ki lì.

Ŋwàʼlə̀ Luk 24:41

Ando vəwenə mbu momə̀ byeʼe saŋlə ndiʼ a vəwenə tətyɨm no nànto, ghə̀ bèm a vəwenə la “Ghə̀ŋ bè kiʼi kəfo kə zhɨkə a shyə̀.”

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Joyn 16:16

“Ghə̀ŋ laʼtə to alə̀, kò ghə̀ŋ be ə yen mo, ə laʼtə to alə be bwensə yen mo.”

Joyn 16:20

Ma gaʼa a ghə̀ŋ to no nəmwèʼè la, ghə̀ŋ ə̀ dì no nànto, mbi saŋlə sàŋlə. Ghə̀ŋ nè sə kusə shinsə, ali ə kusə ə shinsə a yi kaʼkə a saŋlə.

Joyn 16:6

Ma shə̀ʼtə̀ li nyʉ̀ venə a ghə̀ŋ, və sə ku ngəʼ a ghə̀ŋ.

Joyn 21:7

Ndzɨ̀mtə̀ əbam Yesò yì a ghə̀ kòŋ nəkwoŋ li, ə gàʼ a Bità la, “Wìʼ yì diʼ alə, a diʼ Bobo!” Saymun Bità ə sə zhʉ vi alə̀ ə lyɨ̀ təwàf tə wen ə mòʼ, ə tsòʼ a mù. Ghə̀ ndiʼ ali mu ghə̀ ə ntsuʼ li ndisə wen.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Shwèʼ 13:52

Ndzɨ̀mtə̀sə bàm Yesò shì a sə ndìʼì a Antìyòk faŋ a bàm sə saŋlə̀ no nànto, Kəzhwì kə ŋwòʼəkə be tisə vəwenə.

Shwèʼ 16:25

A nè sə̀ ndiʼ a ntìntìn nəntʉʼʉ, Bol wenə̀ Silàs sə jɨ̀mə̀, zhɨmə̀ ndzàŋsə à Nyìngòŋ, viʼi mfɨŋ vətsenvə sə zhʉtə̀ nyʉ̀ vyi a vəwenə nzhɨmə gàʼà.

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.