Joyn 16:20 - The New Testament in the Babanki language

²⁰ Ma gaʼa a ghə̀ŋ to no nəmwèʼè la, ghə̀ŋ ə̀ dì no nànto, mbi saŋlə sàŋlə. Ghə̀ŋ nè sə kusə shinsə, ali ə kusə ə shinsə a yi kaʼkə a saŋlə.

Joyn 16:20 ပူးပေါင်းရင်းမြစ်များ

Matìyò 21:38

Viʼi shwèʼè sɨ̀m a vyi nè dyʉ̀ yen wàyn yì tò yenə, kwòʼtə̀ à vəwenə ngəŋsə la, Ghèn dìʼi ne ndiʼ njɨ̀ngə̀ŋ tì sɨ̀m ghèn. Vəghəŋ ghaʼ wen zhwi ndi lyɨ fo vi a ghə̀ tə ndiʼ ne lyɨ̀ lì.

Matìyò 5:4

Mbwaʼmə dìʼ à viʼi vyi a və dì byiʼàndo Nyìngòŋ lu chɨmsə vəwenə.

Ŋwàʼlə̀ Mak 14:72

Tò fa zhʉ, nkə̀ʼ bè toŋ andìʼ aghayn à bò. Bità mù kwòʼtə̀ ando Yesò yì gàʼ à wen la,“Nkə̀ʼ ne sə toŋ aghayn à bò mu wù tyen li mò aghayn à taʼ.” Wenə wen bwaʼ, ghə̀ dì no mwèʼè mwèʼè.

Ŋwàʼlə̀ Mak 16:10

Mèli lù dyʉ̀ yèn viʼi vi a wenə̀ və Yesò ndìʼ a muʼu və kusə̀ nshinsə dì. Ghə̀ shə̀ʼtə̀ kənyʉ̀ a kə yì chò à vəwenə.

Ŋwàʼlə̀ Luk 22:45

Ando ghə̀ myètə̀ jɨ̀m ghə̀ lù bwènə̀ dyʉ̀ a kəshi a ndzɨ̀mtə̀sə bàm wen ndiʼ tsu ə yèn vəwenə mu kusə shinsə nèli vəwenə sə bʉnə̀.

Ŋwàʼlə̀ Luk 22:62

Ghə̀ mù fʉ̀ a kəbəŋ dì no nəmwèʼè nəmwèʼè.

Ŋwàʼlə̀ Luk 23:27

Nòynə viʼi sə̀ dzɨ̀mtə̀ Yesò, a vəwenə à ntyìntyìn kyi vətsenvə ndiʼ tsu a və ndì bè kusə̀ shinsə a wen.

Ŋwàʼlə̀ Luk 24:17

Ghə̀ bèm a vəwenə la “a diʼ nki kənyʉ̀ kə kò a ghə̀ŋ bèsə̀ ale?” Vəwenə tɨmə sə kə̀ʼə̀ tò shinsə.

Ŋwàʼlə̀ Luk 24:21

Ali mù vəghəŋ nkwoʼtə̀ la a ndiʼi wen a ghə̀ ndiʼ lə bwòŋsə̀ viʼi Islel. Kənyʉ̀ a kə kwʉʼsə̀ tsu kə diʼi la a shi mətsi taʼ fa kətsi a nyʉ̀ venə tə̀ fʉ̀.

Ŋwàʼlə̀ Luk 6:21

Mbwaʼmə diʼ a ghə̀ŋ vyi à jɨ̀ŋsə zafə ghə̀ŋ luwèn byìʼàndo ghə̀ŋ lu zhɨ kwiʼ ando ghə̀ŋ kòŋə̀. Mbwaʼmə diʼ à ghə̀ŋ vyi à ghə̀ŋ dì luwèn byìʼàndo ghə̀ŋ lu chəʼ.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 16:6

Ma shə̀ʼtə̀ li nyʉ̀ venə a ghə̀ŋ, və sə ku ngəʼ a ghə̀ŋ.

Joyn 20:20

Ando ghə̀ ngàʼa li ə mu dìʼtə̀ avu wen nə̀ mbyɨ̀sə̀ bèm wen a vəwenə. Ndzɨ̀mtə̀sə bàm wen yenə wen ə sə saŋlə no nànto.

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

Lumans 5:11

Ə kwʉ̀ʼsə, vəghəŋ ə boŋ saŋlə kumə wìʼ yi a Nyìngòŋ ə diʼ wen, mu à nè Bobo vəghəŋ Yesò Klistò la vəghəŋ kaʼkə ndiʼ ndoŋsə Nyìngòŋ.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

Jems 1:2

Vəlemə vwomə ghə̀ŋ nlyɨ̀ a nə̀ saŋlə ghoʼo ghə̀ a zhʉ a təmwòmsə̀ tə vì à ghə̀ŋ a jisə a jisə.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 11:10

Viʼi vi a və̀ ntsi a nse sə saŋlə̀ be zhɨ təwen tə vəwenə byìʼì əpfʉ ə viʼi avenə. Vəwenə sə ku be shi ə̀fo fà vəlèmə byìʼàndo nshə̀ʼtə̀sə sə̀ ghoʼokə asènsə sə̀ bò sə pfʉkə li mu sə̀ nku ngəʼ ghoʼo à viʼi a nse.

Kəmwetə 18:7

Ando ghə̀ ə̀ nkuʼsə̀ ə̀wen ə wen be tsi a tì əghoʼ, ghə̀ŋ ku ngəʼ à wen alə̀ ghə̀ zhʉ əlɨ̀m. Ghə̀ ə̀ ngàʼà à wen ətyɨm la, ‘Mà dìʼ wì ə̀ fòyn, mà ko diʼ wùwì mpfʉ, mà ko dì əpfʉ.’