Joyn 16:19 - The New Testament in the Babanki language

¹⁹ Yesò ə kɨ la vəwenə sə kəŋ ə bèm kənyʉ̀ a kènkə a wen ə mu gàʼ a vəwenə la, “A ghə̀ŋ kayntə̀ kənyʉ̀ kì a mà gàʼ la, ‘Kə laʼtə to lə̀ ko ghə̀ be a yen mo, ə laʼtə to lə ə bwensə yen mo.’

Joyn 16:19 ပူးပေါင်းရင်းမြစ်များ

Matìyò 6:8

Kə ghə̀ŋ ə shəmə vəwenə byìʼì ando ghə̀ŋ nə̀ sə ə njɨ̀mə̀, mu Tìʼ ghə̀ŋ sə kɨ kəfo kì a ghə̀ŋ kəŋ.

Matìyò 9:4

No zhʉ̀ kò, Yesò kɨ təkwòʼtə̀ tə vəwenə mù bèm à vəwenə la, “Ghə̀ŋ kwòʼtə nyʉ̀ byɨvə alə̀ byìʼì gho?

Ŋwàʼlə̀ Mak 9:32

Vəwenə nko kɨ̀ kənyʉ̀ a ziʼi ghenə nshyə̀ʼtə̀ alì sə fànə̀ əbèm à wen.

Joyn 13:33

Mà ko be diʼ ə ndiʼ vəghəŋ a kəghaf a vù vwomə. Ghə̀ŋ kəŋ mò nənlù, mu ma dyʉ̀ li akəshi, mu ghə̀ŋ zizi ko ghə̀ŋ lu vi tsu. Ma shə̀ʼtə̀ a ghə̀ŋ luwen, to ndə̀ŋndəŋ ando mà sə diʼ mù ma shə̀ʼtə̀ li a viʼi Jus.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Joyn 16:16

“Ghə̀ŋ laʼtə to alə̀, kò ghə̀ŋ be ə yen mo, ə laʼtə to alə be bwensə yen mo.”

Joyn 16:18

Vəwenə sə kayntə to kayntə bèmə la, “Mə laʼtə a ghèn a ghə̀ gaʼa diʼ la ghò? Vəghəŋ ko kɨ la ghə̀ gaʼa la gho lò.”

Joyn 16:23

“Kətsi na kì ə na kwʉ̀ʼ, a ghə̀ŋ faŋ kò ghə̀ lə be bèm kənyʉ̀ a mò. Ma gaʼa a ghə̀ŋ to no nəmwèʼè la, Tìʼ ə na ku no tèbe ghò yi a ghə̀ŋ bèmə chò fa mo a əzhiʼ.

Joyn 16:26

Kətsi na kì na kwʉ̀ʼ, a ghə̀ŋ ne bèmə əfo a Tìʼ ghom chò fa mo əzhiʼ, to fa ghə̀ŋ a ngeŋsə. Ma ko gàʼà la, a na ə be bèmə mò bèmə kəfo fa Tìʼ a ghə̀ŋ akəshi.

Joyn 16:30

Yès yen li luwen la wù kɨli no nyʉ̀ ə tsèm, ə yen la wìʼ ə ko diʼ ə mbe bèmə kənyʉ̀ bèmə fa wù. Nakènkə nè li yès ə byɨmə la wù lù vì fa ben ə Nyìngòŋ.”

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Joyn 6:61

Yesò ə kɨ kənyʉ̀ a vəwenə dèmkə̀ byìʼì kəwenkə to fa wen a ngeŋ ə bèm a vəwenə la, “Əziʼi na ghənə be ku ngəʼ a ghə̀ŋ no nànto?

Joyn 7:33

Sə dyʉ̀, Yesò ə gàʼ a vəwenə la, “Mà ndiʼ vəghəŋ to fəshinə fə zhʉ̀ alə̀ ə be bwenə dyʉ̀ a wìʼ yì a ghə̀ tɨmə mò.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.