Joyn 16:14 - The New Testament in the Babanki language

¹⁴ Ghə̀ a vi ə nè ghə̀ŋ kɨ nyʉ̀ ə vwomə, be nè a ji a ghèn, ghə̀ŋ yen kədyòʼ kì a ma kiʼi.

Joyn 16:14 ပူးပေါင်းရင်းမြစ်များ

Joyn 14:21

“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

1 Bità 2:7

A diʼ a ghə̀ŋ vi a ghə̀ŋ byɨmə li, ngùʼ na ghèn ə boŋ no nànto, ali a diʼ a viʼi vyi a və ko byɨmə mu: “Ngùʼ na yì a viʼi kə mbwom nə̀ ə temə maʼa kaʼkə li a ngùʼ bù ə ngə̀ŋ.”

1 Joyn 3:23

Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.