Joyn 16:13 - The New Testament in the Babanki language

¹³ Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

Joyn 16:13 ပူးပေါင်းရင်းမြစ်များ

Joyn 12:49

Ma ko gaʼa nyʉ̀ fa mo ə ngə̀ŋ. A ntɨm Tìʼ ə tɨm mo la mà gàʼ, ə shə̀ʼtə̀ ji yi a zizi mà gàʼ fa tsu.

Joyn 14:17

Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 16:12

“Mà bò kiʼi nyʉ̀ ə gàʼ a ghə̀ŋ to kədə̀ŋ, ali mu ghə̀ŋ sətsèn əzhʉ̀ luwen, və a ku ngəʼ a ghə̀ŋ.

Joyn 3:32

ghə̀ shə̀ʼtə̀ to kikə a ghə̀ yen li be zhʉ̀, ali viʼi ko byɨmə kənyʉ̀ a ghə̀ gaʼa

Joyn 8:38

Ma shə̀ʼtə̀ to kənyʉ̀ ki a Tìʼ ghom diʼi li a mò, ghə̀ŋ nè kì a ghə̀ŋ zhʉ̀ fa tiʼi ghə̀ŋ.”

Shwèʼ 11:28

ghə̀ tsen diʼ a vəwenə a ntìntìn, a zhiʼ wen ndìʼ Agabus. Kəzhwì kə ŋwòʼəkə tensə wen, ghə̀ gàʼ a ntsèntə̀ ando jɨ̀ŋ byɨ ne ku təloʼ tətsèm. Jɨŋ ayì lù ku a tʉʼ a andiʼ Klodùs diʼ foyn ə ghoʼo.

Shwèʼ 20:23

alì kənyʉ̀ a mà nkɨ dìʼ tò la ando Kəzhwì kə ŋwòʼəkə diʼì li me à mò no a ntə̀ʼ ko a mà chò fa tsu, la mà dìʼ wù mfɨŋ ngəʼsə be kə̀ʼtə̀ mò tsu.

Shwèʼ 27:24

ə̀ gàʼ à mò la, ‘Bol, kə a fwàyn byìʼàndo Nyìngòŋ ghʉ li la wù a tɨmə a shɨ Fòn ghoʼo. Ghə̀ be ghʉ̀ la no wìʼ ko a pfʉ fa ntìntìn viʼi venə a wenə̀ vəwenə jèʼè lə̀ byìʼì boŋə tyɨm yi a ghə̀ kiʼ à wu.’

2 Tèsàlonyà 2:12

a ghə̀ soʼ ə byɨbsə vəwenə vi a və tyenə ə byɨmə ntɨm ə jùŋ yì a ghə̀ diʼi nəmwèʼè no və tsèm ə sə kòŋ to nyʉ̀ ə byɨvə.

2 Tèsàlonyà 2:3

Kə ghə̀ŋ moʼtə la wìʼ ə lobtə ghə̀ŋ no fa mphen byìʼì ando kətsi na kì ko lu vi ə zaʼa ando viʼi və ghoʼo və lù ə soynə Nyìngòŋ, wù ətyɨm ə byɨghə fʉ tɨmə. Və lu myetə wù ətyɨm ə byɨghə na ghèn akəshi kə əzhiʼ.

Hibùlù 1:1

A ndiʼ a tʉʼ ə mughə, Nyìngòŋ ə ngaʼa a vətiʼ və vəghəŋ chò fa nshə̀ʼtə̀sə ghoʼkəsə. Ghə̀ ə ngàʼa to a jisə a jisə, nə̀ to aghayn aghayn.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

1 Joyn 4:6

Vəghəŋ dìʼ viʼi Nyìngòŋ, no ndò a ghə̀ kɨ Nyìngòŋ ə zhʉtə̀ fà vəghəŋ. Wìʼ a ghə̀ ko diʼ wù Nyìngòŋ ə ko zhʉtə̀ fà Nyìngòŋ. A dìʼ a ji a ghèn a və kɨ kəzhwì kə nəmwèʼè nə̀ kì a diʼì kə ndzɨ̀ŋ kə.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 1:19

Luwèn, nyòʼo ənyʉ̀ a wù yenə, ə̀vi a və fʉ̀ luwèn bènə̀ vi a və ne ə mfʉ̀ ə zìtə̀ fa luwèn.