Joyn 16:11 - The New Testament in the Babanki language

¹¹ Ghə̀ a diʼ ji yì a Nyìngòŋ ə lu soʼo mbyi fa tsù byìʼì ando fòyn yi a ghə̀ soʼo mbyi ghèn sə diʼ mù ghə̀ fəŋ li nsòʼ.

Joyn 16:11 ပူးပေါင်းရင်းမြစ်များ

Matìyò 12:18

“Ghèn dìʼ wìʼ yì a mà tsuʼ li la ghə̀ shyèʼ à mò. Mà kòŋ wen, ghə̀ nè mà saŋlə̀. Mà a ku kəzhwì kom à wen ə ghə̀ nshə̀ʼtə̀ à viʼi tɨm ando mà a soʼ viʼi a ji tɨmə.

Matìyò 12:36

“Mà gàʼà à ghə̀ŋ la, à lu ndiʼ a kətsi kə nsoʼ Nyìngòŋ, no ndò lu shə̀ʼtə̀ chʉ wen byìʼì no məghò a ghə̀ ntɨmə li gàʼ a ghə̀ nko diʼ gàʼ.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.

Joyn 14:30

Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ,

Joyn 16:12

“Mà bò kiʼi nyʉ̀ ə gàʼ a ghə̀ŋ to kədə̀ŋ, ali mu ghə̀ŋ sətsèn əzhʉ̀ luwen, və a ku ngəʼ a ghə̀ŋ.

Shwèʼ 10:42

Ghə̀ ku a soʼ la yès shə̀ʼtə̀ ntɨm jùŋ ə̀ dìʼ nəmwèʼè la ghə̀ dìʼ wìʼ yì a Nyìngòŋ ntsuʼ li ə̀ ghʉ la ghə̀ nsoʼo viʼi a və diʼì və to nə̀ vi a və pfʉkə li.

Shwèʼ 24:25

Bol nè sə gàʼ ə nshə̀ʼtə̀ ando viʼi diʼ ndiʼ kənyʉ̀ kə tɨməkə be ghaʼa təwentə vəwenə, bè shə̀ʼtə̀ ando kətsi kə lu vì a Nyìngòŋ lu soʼ viʼi. Ando ghə̀ ngaʼa kənyʉ̀ akènkə, fàyn ghaʼ Felik, ghə̀ gàʼ la Bol lu a yì ne be dzàŋə wen a zhʉ a yì kiʼi zhʉ.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Kòlòsyàns 2:15

A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Hibùlù 6:2

la viʼi diʼ ə shi mu, və diʼ ə ghʉ̀ avu a viʼi a tʉ̀ bwaʼsə vəwenə, la viʼi lu lù fa pfʉ, la Nyìngòŋ ə lù soʼ viʼi a kəmwetə kə mbyi.

Hibùlù 9:27

Və ghʉ̀ li la wìʼ lu pfʉ to ghayn əmùʼ, à na sə diʼ ando ghə̀ pfʉ, ghə̀ tɨmə ashɨ ə nsòʼ Nyìngòŋ.

2 Bità 3:7

To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.