Joyn 15:4 - The New Testament in the Babanki language

⁴ Ghə̀ŋ faŋ a mò ndi mà be faŋ a ghə̀ŋ. Ando ntam ə fəkoʼ zizi ko ghə̀ lu kumə ashɨ fa ngeŋ, ghə̀ diʼ ə ndiʼ a fəkoʼ mibu ghə̀ a kumə ashɨ. Kə le diʼ to ndə̀ŋndəŋ ando ghə̀ŋ zizi ko ghə̀ŋ lu kumə ashɨ, a bwen la ghə̀ŋ fàŋ a mo wen.

Joyn 15:4 ပူးပေါင်းရင်းမြစ်များ

Matìyò 12:33

Yesò bè ziʼì la, “Wù sətsèn lyɨ̀ la ashɨ fəkòʼ diʼ à jùŋə ghə̀ mu wù diʼi be lyɨ̀ la fəkòʼ a fìfə diʼ fə jùŋfə, ə̀ lyɨ̀ la ashɨ fəkòʼ diʼ à byɨghə mu wù diʼi be lyɨ̀ la fəkòʼ a fìfə diʼ fə byɨfə, byìʼàndo və nə̀ nkɨ fəkòʼ tò fà yì ashɨ.

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Joyn 6:56

A zhɨ no ndò zhɨ əwenə ghomə be nyʉ̀ mənlyuŋ mwomə, mu yo wen diʼ a kənyʉ̀ kə muʼ.

Joyn 8:31

Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

2 Kolìntyàns 13:5

Ghə̀ŋ shə̀tə̀ lye təwen ə təŋtə la, ghə̀ŋ le tsi to nə̀ viʼi və byɨməvə lo. Ghə̀ŋ shə̀tə̀ lye təwen ə təŋtə. Kə lə diʼ la ghə̀ŋ ko yenə la Yesò Klistò tsi a ghə̀ŋ a ntìntìn mu? Ghə̀ŋ diʼ yen ali a bwen to la ghə̀ŋ ko tsi ntsìnə̀ viʼi və byɨməvə.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Kòlòsyàns 2:6

Ando ghə̀ŋ sə diʼ mù ghə̀ŋ ə byɨmə li Yesò Klistò la à diʼ Bobo ghə̀ŋ, ghə̀ŋ ntsi li to nə̀ viʼi vyi a və diʼi wenə wen a kənyʉ̀ kə mùʼ.

1 Tèsàlonyà 3:5

A le kənyʉ̀ ki a ghə̀ŋ tə nè ma tensə Timotì. Mà tə tensə la ghə̀ vi yen la, ghə̀ŋ le tuʼ ə choʼsə Yesò lò byìʼì ando ma zizi ko ma be kwiʼ ətyɨm ə ntsi, ko ma kɨ la à fʉ ghò fʉ ghə̀ŋ lo. Mà tə sə kwoʼtə to la Deblə̀ zizi ghə̀ ə ndiʼ mù ghə̀ mwomsə li ghə̀ŋ, shwèʼè ə yesə əle to kədyàŋ.

Hibùlù 10:39

A diʼ fa vəghəŋ, vəghəŋ ko diʼ to nə̀ viʼi vì a və nyɨŋ li bwenə fa bàm Nyìngòŋ. Vəghəŋ boŋsə diʼ viʼi vyi a və kiʼi əbyɨmə a wen, ghə̀ diʼ lù bwoŋsə vəghəŋ.

1 Joyn 2:6

No ndò a ghə̀ gàʼà la ghə̀ dìʼ wenə Nyìngòŋ a kənyʉ̀ kə mùʼ diʼ ə njèʼè tò a ji shì a Yesò njèʼè fa tsu.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.