Joyn 15:27 - The New Testament in the Babanki language

²⁷ Ghə̀ŋ be na ngàʼà to nəmwèʼè a viʼi kumə mò byìʼàndo ghə̀ŋ tə ə ndiʼ vəghəŋ amuʼ, fa kənzìtə.

Joyn 15:27 ပူးပေါင်းရင်းမြစ်များ

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Ŋwàʼlə̀ Luk 24:48

Ghə̀ŋ diʼ viʼi a ghə̀ŋ zhʉli bè yèn nyʉ̀ venə.

Joyn 19:35

Kənyʉ̀ kènkə shə̀ʼtə wìʼ ə yi a ghə̀ yen ando kə nfʉ. Ghə̀ kɨ la ghə̀ gàʼa to nəmwèʼè, shə̀ʼtə̀ nyʉ̀ na venə ndi wù zhʉ̀ ə boŋ byɨmə.

Joyn 21:24

Ndzɨ̀mtə̀ əbam ə Yesò na ghèn diʼ yi a ghə̀ shə̀ʼtə̀ nyʉ̀ na venə, a diʼ to wen yi a ghə̀ nyoʼ nyʉ̀ a vyi. Yès ə kɨ la kənyʉ̀ a ghə̀ gàʼà diʼ to nəmwèʼè.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 13:31

ə̀ dìʼ wèn wen a mətsi no nghoʼo à viʼi vi a wenə̀ vəwenə nlu fa Galìlì a muʼu ə̀ kuʼ dyʉ̀ a Jelusalèm. Vəwenə ti luwèn a nə̀ viʼi vəyenəvə nyʉ̀ a vyi byìʼì wen à viʼi Islel.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

Shwèʼ 23:11

A nè sə ndiʼ nəntʉʼʉ, Bobo vì tɨ̀mə a mbyɨ̀ Bol ə̀ gàʼ à wen la, “Nkiʼ tyɨm toghə tò a lì! Ando wù tɨmə̀ li a nə̀ wuyenə à mò a shɨ viʼi Jelusalèm, wù diʼ be dyʉ̀ tɨmə tò a lì a shɨ viʼi a Lum.”

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Shwèʼ 4:20

Yès zì ko yès lu faŋ ke gàʼ tò kənyʉ̀ kì a yès ə nyenə be zhʉ.”

Shwèʼ 4:33

Viʼi ntɨm Yesò sə̀ shə̀ʼtə̀ no nə̀ kədyòʼ kə à viʼi la Yesò lu li fa pfʉ. Nyìngòŋ bwaʼsə vəwenə no vətsèm no a nkàyn.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

Kəmwetə 1:2

Joyn ə nshə̀ʼtə̀ li ənyʉ̀ no tsèm ando ghə̀ ə̀ yenə. Ghə̀ nə̀ diʼ əgàʼ ə wen ə kùm ə ntɨm yì fà Nyìngòŋ bènə̀ nəmwèʼè yì a Yesò Klistò ndìʼi à wen a ndayn.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.