Joyn 15:11 - The New Testament in the Babanki language

¹¹ “Mà shə̀ʼtə̀ nyʉ̀ venə a ghə̀ŋ ndi ghə̀ŋ kɨ saŋlə yì a ma kiʼi, a diʼ saŋlə mu ghə̀ lwin li kwʉ̀ʼ.

Joyn 15:11 ပူးပေါင်းရင်းမြစ်များ

Ŋwàʼlə̀ Luk 15:23

ghə̀ bè gàʼ à vəwenə la ‘Ghə̀ŋ nè ghə̀ŋ vi nə̀ kəzoʼ kə nàym ki a kə ghoʼ no nkàyn ə tìntə, vəghəŋ zhɨ kətsi kènkə layn ə saŋlə.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Ŋwàʼlə̀ Luk 15:5

Ghə̀ ne yen, ghə̀ sə saŋlə no nànto. Ghə̀ byèʼè alə̀ ə ghʉ a wenə a mbyəʼsə

Ŋwàʼlə̀ Luk 15:9

Zhʉ a ghə̀ yenə ko ayi ghə̀ dzàŋtə̀ viʼi ndoŋsə wen bènə̀ viʼi a və kɨ wen ə gàʼ à vəwenə la ‘Ghə̀ŋ vi vəghəŋ zhɨ ə saŋlə byiʼàndo mà yenli ko ghomə yi a ghə̀ tè lèlì’.

Joyn 16:24

Ə zàʼa fa luwen, ghə̀ŋ ko bèmə kəfo chò fa mo əzhiʼ. Ghə̀ŋ bèm, a ghə̀ŋ a kiʼi, ə kiʼi saŋlə, ghə̀ŋ kuʼ kwʉ̀ʼ.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 17:13

Luwen diʼ alə ma vi a wù, ali sə gàʼa nyʉ̀ a venə, bo diʼ to a mbyi ə nè la vəwenə kiʼi saŋlə a vəwenə a tətyɨm, ghə̀ kwʉ̀ʼ to ndə̀ŋndəŋ ando ma kiʼi.

Joyn 3:29

Wùwì ə lam nə̀ dyʉ̀ to a lɨmə wùwì. Wùndoŋ ə lɨmə wùwì yì a ghə̀ gyàmtə̀ wen nə̀ jèʼè to a wen a ntɨm, saŋlə no nànto a zhʉ a ghə̀ zhʉ ando lɨmə wùwì ə gàʼà. A lə ndə̀ŋndəŋ ji yì a ma saŋlə fa tsu luwen. Saŋlə ə ghomə ə diʼ luwen, mu ghə̀ lwin li nkwʉʼ.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

Filìbàyns 1:25

A le kənyʉ̀ ki a kə ne ma sə diʼ ə faŋ vəghəŋ ndiʼ mà gyamtə ghə̀ŋ kwi ə nə̀ saŋlə a ghə̀ŋ a byɨmə.

1 Tèsàlonyà 5:16

Ghə̀ŋ mwomsə ə nə̀ saŋlə to məzhʉ̀ ə tsèm,

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

1 Joyn 1:4

Yès ə nyòʼò nyʉ̀ a venə à ghə̀ŋ alə̀ ndi və ne saŋlə yesə kwʉʼ ə mè.

2 Joyn 1:12

Mà kiʼi nyʉ̀ no ghoʼo ə gàʼ à ghə̀ŋ, alì mà ko a nyòʼ nyoʼo. Mà bòŋsə̀ kwòʼtə̀ əvi ghayntə ghə̀ŋ ə gàʼ à ghə̀ŋ tò nə̀ chʉ̀, ndi vəghəŋ ndìʼ nə̀ saŋlə ghoʼo ghə̀.