Joyn 14:30 - The New Testament in the Babanki language

³⁰ Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ,

Joyn 14:30 ပူးပေါင်းရင်းမြစ်များ

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 22:53

A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.

Shwèʼ 1:3

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

1 Bità 1:19

Ghə̀ ə nzen ghə̀ŋ to no ə mənlyuŋ mə Yesò, a diʼ mənlyuŋ kiʼi kədyòʼ. Yesò ə ndiʼ to nə̀ wàyn Njɨ̀, ghə̀ nko kiʼi kəluʼ no fa mphen.

1 Bità 2:22

Və nyòʼò li a Ŋwàʼlə̀ Nyìngòŋ la, “Ghə̀ nko ne kənyʉ̀ kə kəbyɨkə kə tsen kə, ko wìʼ ə lù zhʉ la ghə̀ zhò li ndzɨŋ no fa mpfen.”

1 Joyn 4:4

Ghə̀ŋ dìʼ viʼi Nyìngòŋ a vunə vwomə, mu ghə̀ŋ ə to li ə ncho viʼi avenə byìʼàndo kəzhwì a kə diʼì à ghə̀ŋ ə tətyɨm ə to chò kì a kə diʼì a mbi.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.