Joyn 14:26 - The New Testament in the Babanki language

²⁶ Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 14:26 ပူးပေါင်းရင်းမြစ်များ

Matìyò 1:18

Və bwi Yesò Klistò a ji ghèn. Lì wen Mèli ndìʼ mu və tisəli nyʉ̀ lam wen wenə Josèf mimbu vəwenə sə lam mu kəzhwì kəŋwoʼkə neli Mèli sə̀ gùfə̀.

Matìyò 1:20

Ghə̀ mbu kwòʼtə̀ əsàs lam ayi alì ntsɨ̀ŋ Nyìngòŋ vì à wen a jòm ə gàʼ la,“Josèf wyè fòyn Devìt, kə a fàyn əlyɨ̀ Mèli a nə̀ wì wù byìʼe wàyn yì a ghə̀ gùfə̀lì à nè kəzhwì kəŋwoʼkə”.

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Ŋwàʼlə̀ Mak 12:36

Kəzhwì kə ŋwoʼkə ne li Devìt gàʼ, gàʼà la, “Bobo Nyìngòŋ ngàʼa à Bobo ghom la, ŋwʉʼmə a shyə kwòŋ toghə mò əzaʼa fa tʉʼ a ma ghʉ viʼi kəbàyn wù à wù a tì aghʉ.”

Ŋwàʼlə̀ Mak 13:11

Və ghaʼ ghə̀ŋ sə ndyʉ̀ nə̀ ghə̀ŋ a kəbòʼ kə nsoʼ, kə ghə̀ŋ a nkaynə mbi la ghə̀ŋ a dyʉ̀ ə gàʼ la ghò lo. Ghə̀ŋ dyʉ̀ ghə̀ŋ gàʼà tò kənyʉ̀ kì a və a ku la ghə̀ŋ gàʼ a zhʉ ayì byìʼàndo à ko lu ngàʼà ghə̀ŋ. A lu ngàʼà kəzhwì kəŋwoʼəkə.

Ŋwàʼlə̀ Luk 1:15

byiʼè ghə̀ lu ndiʼi no wu ghoʼo a shɨ Bobo. Ghə̀ kò ə nyʉ məlyʉ̀ʼ no fa mpfen, kəzhwì kəŋwoʼkə lu lwin a wen tyɨm ghə̀ bu a bèm ə li wen.

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 1:41

Ando Elizabet nzhʉ tòŋtə Mèli, to zhʉ ghèn, wàyn tsòʼtə fa wen bèm, kəzhwì kəŋwoʼkə chiʼitə wen.

Ŋwàʼlə̀ Luk 1:67

Kəzhwì kəŋwoʼkə lwin a tyɨm tiʼi wen Zakaliya ə nè ghə̀ sə̀ gàʼà gɨ Nyìngòŋ la

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 2:25

A ndiʼ alì wutsen diʼ a Jelusalèm a və ndzàŋ zhiʼi wen nə̀ Simon, ghə̀ nkiʼ kəzhwì kəŋwòʼ Kə sə̀ tsi tò ntsìnə̀ tɨmə bè lyɨ̀ zhʉ əshyèʼ shyèʼ Nyìngòŋ. Ghə̀ ntsi kə̀ʼtə̀ mətsi a Bobo a tyì məshɨ mə viʼi Islel.

Ŋwàʼlə̀ Luk 24:49

Luwèn ma nè a tɨm kəzhwì kə̀ŋwoʼkə a ghə̀ŋ to ando tiʼi ghom nghʉli, alì ghə̀ŋ ndiʼi tò a shə̀ zaʼa fa zhʉ a kəzhwì kə̀ŋwoʼkə ne vi ə ku adyòʼ a ghə̀ŋ.”

Ŋwàʼlə̀ Luk 3:22

Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Joyn 1:33

Ma ko tə ndiʼ kɨ wen. Ma tə sə kɨ wen mu ma kɨ to byìʼì kənyʉ̀ ki a Nyìngòŋ tə sə tɨm mo la ma vi əku mu nə̀ mu mə fwàyn ə gàʼ la, ‘Wù lù yen no ndò to ando kəzhwì kə Ŋwoʼkə shiʼi vi nyʉ̀ʼmə faŋ a wen a kətʉ, wù mu kɨ la à diʼ wen yi a ghə̀ vi ə ku mu nə̀ Kəzhwì kə Ŋwoʼkə a viʼi.’

Joyn 12:16

A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Joyn 14:25

“Ma shə̀ʼtə̀ li nyʉ̀ venə a ghə̀ŋ no ətsèm, vəghəŋ bo diʼ to amuʼ.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 16:7

Alì, ma gaʼa to a ghə̀ŋ nəmwèʼè la, à diʼ njùŋ a ghə̀ŋ ando mà sə lu. Mà sətsen faŋ kə dyʉ̀, ko Ngyàmtə̀ a vì a ghə̀ŋ. Alì mu mà dyʉ̀, a mà dyʉ̀ tɨm ə wen a ghə̀ŋ.

Joyn 2:22

To ando ghə̀ lu li fa pfʉ̀, ə ndzɨ̀mtə̀sə bàm ə wen mu bwensə kwòʼtə la ghə̀ ngaʼa li alə̀ ə mu byɨmə kənyʉ̀ kì a Ŋwàʼlə̀ Nyìngòŋ ə gàʼ, nə̀ nyʉ̀ vyi a Yesò ə ngàʼà.

Joyn 20:22

Ghə̀ gàʼ ali ə zhwìsə̀ a vəwenə kətʉ, ə gàʼ la, “Ghə̀ŋ kiʼi kəzhwì kə Ŋwoʼkə.

Joyn 6:45

Nshə̀ʼtə̀ sə ghoʼkəsə ə nyòʼo li la, ‘Nyìngòŋ lu ziʼi viʼi və tsèm.’ Nò viʼi və tsèm vyi a və zhʉ kənyʉ̀ kì a Tìʼ ə gàʼ ne vì a mò.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Shwèʼ 1:4

Ando Yesò mbu wenə̀ vəwenə, kətsi kətsenkə vəwenə sə nzhɨ, ghə̀ chòsə̀ soʼ a vəwenə la, “Kə ghə̀ŋ à lù fa Jelusalèm luwèn. Ghə̀ŋ nkəʼtə̀ kəku kì a mà nshə̀ʼtə̀ à ghə̀ŋ la Tìʼ ghom nghʉ li la ghə̀ a ku à ghə̀ŋ.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 11:16

Mà mù kwòʼtə̀ kənyʉ̀ a Bobo nlù gàʼ la, ‘Joyn nku mu à viʼi tò nə̀ nkàntə̀ à mù, alì və diʼ ne ku mu à ghə̀ŋ nə̀ Kəzhwì kə ŋwòʼəkə.’

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 13:4

Kəzhwì kə ŋwòʼəkə tɨm Balnabas wenə̀ Saul vəwenə shiʼi a ntə̀ʼ Selusìyà ə̀ kwen a kànuʼ ə̀ dyʉ̀ a loʼ Saybùs, ghə̀ diʼ a ntìntìn à mù.

Shwèʼ 15:28

Kəzhwì kə ŋwòʼəkə nè li yès kwòʼtə la yès ko diʼ ku ngəʼ tsen à ghə̀ŋ, əchò tò mənyʉ̀tə mèn a yès ə kəŋə gàʼ la ghə̀ŋ ə nè lə̀,

Shwèʼ 15:8

Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 20:35

Ma diʼì li à ghə̀ŋ tò a jisə a jisə la ghə̀ŋ diʼi nshwèʼè nə̀ kədyoʼkə to nə̀ mò ndi vəghəŋ ngyàmtə̀ viʼi a və bwaʼa. Vəghəŋ sə ngyàmtə̀ a lì, vəghəŋ nkwòʼtə̀ kənyʉ̀ kì a Bobo vəghəŋ Yesò ngaʼà tò nkàntə̀ wen la, Saŋlə diʼ à wìʼ yì a ghə̀ ku chò ando ghə̀ diʼ à wìʼ yì a ghə̀ shi tò shi.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Shwèʼ 5:3

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò?

Shwèʼ 7:51

Stifèn gàʼ alə̀ ə̀ gàʼ la, “Ghə̀ŋ viʼi to kətʉ. Ghə̀ŋ shwintə li tìʼì tiʼi vəŋə, be ntosə tətyɨm tyəŋtə sə diʼ tò nə̀ viʼi a və ko kɨ̀ Nyìngòŋ. Ghə̀ŋ tyen li la ghə̀ŋ ko zì ghə̀ŋ zhʉ kənyʉ̀ a Kəzhwì kə ŋwòʼəkə gàʼà to nə̀ vətìʼ vəŋə və mbì.

Shwèʼ 7:55

alì, Kəzhwì kə ŋwòʼəkə tisə Stifèn, ghə̀ sə ki kuʼsə nə̀ kaŋə yen bayn ə̀ ghoʼghə Nyìngòŋ, be yèn Yesò, ghə̀ ti a shyə kwoŋ toghə Nyìngòŋ.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

Efisyàns 1:13

Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

1 Tèsàlonyà 4:8

A sətsen a tensə no ndo tensə kənyʉ̀ ki a yes ə ziʼi, ghə̀ tensə Nyìngòŋ a ghə̀ ku kəzhwì kə Ŋwoʼkə a ghə̀ŋ.

2 Timotì 1:14

Kəzhwì kə Ŋwòʼəkə kì a kə diʼì a vəghəŋ a ntìntìn a gyamtə wù ə ku kədyòʼ ndi wù shɨ̀tə̀ ghaʼ ənyʉ̀ jùŋvə vi a və ku li à wù.

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

Hibùlù 10:15

Kəzhwì kə ə ŋwoʼkə kə diʼ mu kə diʼi laynsə a vəghəŋ la kənyʉ̀ a kenkə ə diʼ to no nəmwèʼè. Kə ncho li mbì ə gàʼ la,

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Hibùlù 3:7

A lə kənyʉ̀ ki a kəzhwì kə Ŋwoʼkə ə gàʼa la, “Ghə̀ŋ zhʉ̀ gɨ Nyìngòŋ layn,

Hibùlù 9:8

Kəzhwì kə Ŋwoʼkə ə ziʼi a vəghəŋ la ando lùm ə ngə̀ŋ mbì yì bo diʼ to diʼi ko andiʼ la və boʼo əchʉ yi, ji ko tɨmə diʼ a viʼi ə kwen Kəshi yi a kə Layn kwʉ̀ʼʉ̀.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

2 Bità 1:21

Kə diʼ alə̀ byìʼì ando no tèbe kənyʉ̀ kə kò a və ə nyoʼo li a ŋwàʼlə̀ diʼ mu à ə̀ nshə̀ʼtə̀ kəzhwì kə Ŋwoʼkə Nyìngòŋ. Wìʼ ə ko ə nyoʼo kənyʉ̀ kə tsen kə byìʼì ətof ə ngeŋ ə wen.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

1 Joyn 5:7

A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.

Kəmwetə 2:11

No ndo a ghə̀ tofə ghə̀ tùʼù zhʉtə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ ə soynə ə̀ zhɨ, kò ghə̀ bè lù pfʉ̀ kənkùmtə̀ kə pfʉ a tʉʼ a Nyìngòŋ ə lu soʼ viʼi”.