Joyn 14:21 - The New Testament in the Babanki language

²¹ “Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Joyn 14:21 ပူးပေါင်းရင်းမြစ်များ

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Joyn 14:15

“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə.

Joyn 14:18

“Ma ko ne ghʉsə ghə̀ŋ to nə̀ vunə mpfʉ. Ma dyʉ̀ ə be bwenə vi.

Joyn 15:14

Ghə̀ŋ nè to ando əsoʼ ə ghomə əgàʼa, ghə̀ŋ ne ndiʼ doŋ shomsə.

Joyn 16:14

Ghə̀ a vi ə nè ghə̀ŋ kɨ nyʉ̀ ə vwomə, be nè a ji a ghèn, ghə̀ŋ yen kədyòʼ kì a ma kiʼi.

Joyn 16:27

Jòʼ. Tìʼ no fa wen a ngeŋ ne kòŋ ghə̀ŋ byìʼàndo ghə̀ŋ kòŋ li mò, be byɨmə la mà lù fa ben nə̀ Tìʼ.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Shwèʼ 22:18

Ma yen Bobo, ghə̀ gàʼà gàʼ à mò la, ‘Zàŋsə̀ lù fʉ̀ fà Jelusalèm a shə̀ byìʼàndo viʼi avenə ko byɨmə kənyʉ̀ a wù gàʼà byìʼì mò.’

2 Kolìntyàns 12:8

Ma sensə Bobo aghayn a tàʼ la ghə̀ shisə əkwaʼa na ghenə fa mo wèn,

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

2 Timotì 4:22

Bobo a gyàmtə̀ wù. Nyìngòŋ ə diʼ ətyɨm ə jùŋ ghə̀ no a ghə̀ŋ və tsèm.

1 Joyn 2:5

Alì mu à zhʉ̀ tè ndò ə zhʉ gaʼa wen ə̀ ghʉ, əkòŋ ə Nyìngòŋ a ndiʼ mu ghə̀ kwʉʼʉ li à wen ə ntsìnə̀. A le ji yì a vəghəŋ ə kɨ la vəghəŋ dìʼ a kənyʉ̀ kə mùʼ vəghəŋ və wen.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

1 Joyn 5:3

Ghenə diʼ əkòŋ ə Nyìngòŋ: la vəghəŋ ghʉ təsoʼ tə wen. Təsoʼ tə wen tə ko to a məghʉ,

2 Joyn 1:6

Nkàyntə̀ ə̀kòŋ diʼ la vəghəŋ ə nzhʉ təsoʼ tə wen. Əsoʼ aghenə diʼ la, ghə̀ŋ ə ntsi a ə̀kòŋ ando ghə̀ŋ ə nzhʉ li fa kənzìtə.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 3:20

Ghə̀ŋ zhʉtə a! Mà ti a chʉ ə ngə̀ŋ kùmtə̀, mu à zhʉ̀ tè ndò ə̀ zhʉ̀ gɨ̀ ghom ə̀ bòʼ, mà à kwen ə̀ vì yo wen ə ndiʼ a kənyʉ̀ kə mùʼ be zhɨ a muʼu.