Joyn 14:12 - The New Testament in the Babanki language

¹² Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Joyn 14:12 ပူးပေါင်းရင်းမြစ်များ

Matìyò 21:21

Yesò bwènsə̀ gàʼ à vəwenə la, “Mà gàʼà à ghə̀ŋ nəmwèʼè la, ghə̀ŋ sətsèn nkiʼ byɨmə, kye momə̀ mwòmsə mu ghə̀ŋ zì ghə̀ŋ ne kənyʉ̀ kèn a ma ə ne à fəkòʼ fènfə lə̀, bè gàʼ no tè à pfèn ghoʼo ghèn la, Tsuʼmə dyʉ̀ tsòʼ à mù mə nghoʼomə̀, ghə̀ be à nè tò a lì.

Ŋwàʼlə̀ Mak 11:13

Ghə̀ sə ki dyʉ̀sə̀ ə̀ yèn fəkòʼ fə figs fə ti no kəghaf mu fə zhʉ̀ li no a nkàyn. Ghə̀ dyʉ̀ à yì a ti əyen la yì a yen ashɨ tsu lo, alì bòŋsə̀ yen tò təfʉ byìʼàndo a nko diʼ zhʉ a fə lu nkumə̀.

Ŋwàʼlə̀ Mak 16:17

Viʼi vi a və byɨmə, Nyìngòŋ à kù àdyoʼ à vəwenə la vəwenə ndìʼì nchwi, nè nyʉ̀ kanəvə dzɨ̀mə̀ shìsə̀ zhwì byɨvə, be gàʼà təgàʼ a vəwenə nko təmə̀ gàʼ.

Joyn 14:28

Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò.

Joyn 16:7

Alì, ma gaʼa to a ghə̀ŋ nəmwèʼè la, à diʼ njùŋ a ghə̀ŋ ando mà sə lu. Mà sətsen faŋ kə dyʉ̀, ko Ngyàmtə̀ a vì a ghə̀ŋ. Alì mu mà dyʉ̀, a mà dyʉ̀ tɨm ə wen a ghə̀ŋ.

Joyn 4:37

Kə diʼi la ngàyn ghèn la, ‘Wìʼ ə we, ghətsen ə pfi’ diʼ to nəmwèʼè.

Joyn 5:20

Fa mbwo Tìʼ ə kòŋə wàyn wen, ghə̀ diʼ li no nyʉ̀ tsèm a ghə̀ nè a wen. Ghə̀ ə diʼi nyʉ̀ kaynəvə a wen a və chò na kenkə.

Joyn 7:33

Sə dyʉ̀, Yesò ə gàʼ a vəwenə la, “Mà ndiʼ vəghəŋ to fəshinə fə zhʉ̀ alə̀ ə be bwenə dyʉ̀ a wìʼ yì a ghə̀ tɨmə mò.

Joyn 7:39

Yesò ə ngàʼa lə kumə Kəzhwì kì a və ndiʼ ə ku a viʼi vyi a və byɨmə a wen. A ndiʼ ali, Nyìngòŋ ko təmə ku kəzhwì kə wen na kì byìʼàndo ghə̀ ko təmə lùsə kùʼsə Yesò akàŋ ə ku kədyòʼ a wen.

Shwèʼ 10:46

byìʼàndo Vəjew avenə nzhʉ li ando viʼi tɨm a vyi ngàʼà təgàʼ tə loʼ kədyàŋ, ghoʼsə̀ Nyìngòŋ byìʼì nyʉ̀ kanəvə vi a ghə̀ nè. Bità mù gàʼ la,

Shwèʼ 16:18

Ghə̀ faŋ sə gàʼà tò alə̀ no mətsi nshə̀ʼ alə̀ tin Bol zìtə̀ əfwi. Bol gàʼ à kəzhwì kə byɨkə akì la, “Ma kàynə à wù a kədyòʼ Yesò Klistò la wù cho fʉ̀ fà wen a wèn.” Kəzhwì kə byɨkə akì fʉ̀ fà wen wèn tò a zhʉ ayì.

Shwèʼ 19:12

Viʼi nlyɨ̀ ndisə shyèʼ wen nə̀ basə ndisə vi a ghə̀ ntyì kəzhʉʼsə kə wen tsu, dyʉ̀ nə̀ wenəvə à viʼi və kwaʼkəvə, və nè vəwenə to, zhwì byɨvə be fʉ̀kə̀ fà vəwenə a təwèn.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 2:41

Byìʼì a lì viʼi no vəghoʼo byɨmə gaʼa Bità, və ku mu à vəwenə. Viʼi əzaʼa nkamsə sətaʼ kwʉ̀ʼsə̀ a nòyn viʼi və byɨməvə vi a kətsi akì

Shwèʼ 4:16

Mù sə kayntə̀ a vəwenə a ntìntìn la, Vəghəŋ a nè no ghò nə̀ viʼi venə lo? No tè ndò a Jelusalèm ə kɨ nki kənyʉ̀ kə kaynəkə a vəwenə nè, ko andiʼ la ntsèntə̀ vəghəŋ ghèn zì ghə̀ tensə la vəwenə ko nè.

Shwèʼ 4:33

Viʼi ntɨm Yesò sə̀ shə̀ʼtə̀ no nə̀ kədyòʼ kə à viʼi la Yesò lu li fa pfʉ. Nyìngòŋ bwaʼsə vəwenə no vətsèm no a nkàyn.

Shwèʼ 4:4

Nghoʼo viʼi a və nzhʉ ziʼi Bità wenə̀ Joyn byɨmə ə nè nòyn viʼi a və byɨmə kuʼu chò nkamsə tayn.

Shwèʼ 5:15

Viʼi yen nyʉ̀ kanəvə vi mù sə̀ bwèʼè viʼi vəkwaʼkəvə vəwenə a mbùŋ bènə̀ a təghàm fʉ̀ ghʉ a mbyɨ̀sə jisə la Bità nè sə nchò no tò kəndemndem kə wen kə kum viʼi a vyi.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Shwèʼ 8:7

Andìʼ a lì, viʼi vəghoʼo və tsu kiʼi zhwì byɨvə. Filib dzɨ̀m ə̀ shìsə̀ zhwì byɨvə a vyi, no tə kəkò kə sə fʉ̀ dì no a gɨ to. Viʼi kənkwaʼkə bènə̀ vənlaʼfwen bè tokə.

Shwèʼ 9:34

Bità gàʼ à wen la, “Enyàs, Yesò Klistò nè li la wù to tò luwèn. Lu shɨ̀tə̀ əkwen wù.” No a zhʉ̀ kò Enyàs lù.

Shwèʼ 9:40

Bità gàʼ la vəwenə no vətsèm fʉ̀ a kəbəŋ. Vəwenə fʉ̀kə̀, Bità mù gwʉ̀ʼtə alwi wen a nse ə̀ jɨ̀m à Nyìngòŋ, nè jɨ̀m ə̀ mè ə̀ fùʼtə gàʼ à bvenə ayi la, “Tabita, lu.” Ghə̀ bòʼtə̀ ashɨ wen sə lye àdìʼ Bità, ghə̀ lù ŋwʉʼʉ ŋwʉʼʉ.

Lumans 15:19

Ghə̀ nè li, ma sə nè nyʉ̀ ə kaynəvə to a tənkì a tənkì cho fa kədyòʼ kə kəzhwì kə Ŋwoʼkə. Ma shə̀ʼtə̀ li ntɨm ə jùŋ kumə Yesò to shì ə tsèm, ə zìtə̀ fa Jelusalèm ə dyʉ̀ ə zàʼa a Ililikùm.