Joyn 14:10 - The New Testament in the Babanki language

¹⁰ Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm.

Joyn 14:10 ပူးပေါင်းရင်းမြစ်များ

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 10:38

Alì, ma na nè shwèʼè na yi, ghə̀ŋ faŋ ko ghə̀ŋ lu byɨmə a mo, ghə̀ŋ byɨmə byìʼì nyʉ̀ vyi a ma nè ndiʼ ghə̀ŋ ziʼi sə kɨ la yo Tìʼ ghom ə diʼ to kənyʉ̀ kə mùʼ, nəkwoŋ ko diʼ.”

Joyn 11:26

A tsi no ndò ə byɨmə a mò, ko ghə̀ lu be pfʉ no fa mphen.” Yesò ə gàʼ ali ə bèm a Matà la, “Wù byɨmə nakèn kə a?”

Joyn 12:49

Ma ko gaʼa nyʉ̀ fa mo ə ngə̀ŋ. A ntɨm Tìʼ ə tɨm mo la mà gàʼ, ə shə̀ʼtə̀ ji yi a zizi mà gàʼ fa tsu.

Joyn 14:11

Ghə̀ŋ byɨmə ando mà gàʼa la, yo Tìʼ diʼ to kənyʉ̀ kə mùʼ, a bwen ali, ghə̀ŋ byɨmə lì to no byìʼì nyʉ̀ ə kaynəvə vyi a ghə̀ŋ yèn li.

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 14:24

Wìʼ faŋ ke kòŋ mo, ko ghə̀ lu ə zhʉ əziʼi ə ghomə. Əziʼi na ghənə a ghə̀ŋ zhʉ̀tə lə kodiʼ ziʼi ə ngeŋ mò, à diʼ əziʼi ə Tìʼ yì a ghə̀ tɨmə mo.

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 5:17

Yesò ə gàʼ a vəwenə la, “Tìʼ ghom ənè ə shwèʼè wen no məzhʉ̀ ntsèm, nkàyntə̀ mò diʼ be ə nshwèʼè tò alì.”

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Joyn 7:16

Yesò ə gàʼ la, “Ma ko ziʼi ghə̀ŋ nə̀ nyʉ̀ ə vwomə. A diʼ nyʉ̀ ə Nyìngòŋ yi a ghə̀ tɨmə mo.

Joyn 8:28

Yesò ə gàʼ a vəwenə la, “Ghə̀ŋ lu kuʼsə wàyn Wìʼ a kəntò, no zhʉ̀ko, ghə̀ŋ mu kɨ la ‘Ma diʼ mo yi a ma diʼ,’ ə be kɨ la ma ko nè tebè kənyʉ̀ fa mò ngeŋ, ali gàʼa to kənyʉ̀ kì a Tìʼ ə ziʼi li mo nə̀ kəwenkə kə.

Joyn 8:38

Ma shə̀ʼtə̀ to kənyʉ̀ ki a Tìʼ ghom diʼi li a mò, ghə̀ŋ nè kì a ghə̀ŋ zhʉ̀ fa tiʼi ghə̀ŋ.”

Joyn 8:40

Ghə̀ŋ diʼ alə̀ mu ghə̀ŋ ghʉ̀ li la ghə̀ŋ a zhwi mò, ali mà shə̀ʼtə̀ to nyʉ̀ a ghə̀ŋ, a və diʼ nəmwèʼè mu mà zhʉ̀ fa Nyìngòŋ. Ablaham nko ə ne tə nki tə nyʉ̀ alə̀.

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

Kòlòsyàns 1:19

Kə diʼ alə̀ byìʼì ando Nyìngòŋ ə nkòŋ ə ghʉ̀ wen la ghə̀ ndiʼ to nə̀ wen.

Kòlòsyàns 2:9

Nyìngòŋ ndiʼ li wenə wen no tsèm əcho fa Klistò a wenə wìʼ.

1 Joyn 5:7

A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.