Joyn 13:34 - The New Testament in the Babanki language

³⁴ Ma ku əsoʼ ə fìghə a ghə̀ŋ luwen. Ghə̀ŋ nə̀ kòŋ təwen ə təŋtə. Ma kòŋ li ghə̀ŋ. Ghə̀ŋ ne kòŋ təwen ə təŋtə to ali.

Joyn 13:34 ပူးပေါင်းရင်းမြစ်များ

Matìyò 5:44

Alì mà gàʼà ghə̀ŋ luwen la ghə̀ŋ kòŋ viʼi kəbàyn ghə̀ŋ ə jɨ̀m à viʼi vyi a və tsuʼu aghʉ ghəŋə.

Joyn 15:17

Kènkə diʼ əsoʼ ə ghomə la, ghə̀ŋ kòŋ təwen ə təŋtə.

Joyn 17:21

Ma jɨ̀mə̀ a Tìʼ ghom la vəwenə tsèntə ndiʼ to a kənyʉ̀ kə mùʼ no və tsèm to ndə̀ŋndəŋ ando yowù diʼ to a kənyʉ̀ kə mùʼ. Nè vəwenə faŋ a yowù ndiʼ viʼi mbyi venə byɨmə la à tɨm wù tɨm ə mo.

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

Lumans 13:10

No ndò a ghə̀ kòŋ lèmə̀ wen, ko ghə̀ be na ne kənyʉ̀ kə kəbyɨkə a wen. Kə le diʼ la wìʼ yì nkiʼi ə kòŋ, kə a ndiʼ la ghə̀ ghʉ̀ təsoʼ no tətsèm.

Lumans 13:8

Kə wìʼ na zhɨ əko ə wìʼ. Ghə̀ŋ diʼ ə mbòŋsə̀ nkòŋ mə̀ təwen ə tyəŋtə byìʼì a diʼ kənyʉ̀ ghə̀ŋ diʼ ə ne. No ndò a ghə̀ ne ali mu ghə̀ zhʉ̀ Əsoʼ.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

Gàlesìyà 6:2

Sətsen wìʼ ndiʼ a ngəʼ, ghə̀ŋ ə gyàmtə̀ wen. Ghə̀ŋ sətsen ə nè alə̀, mu ghə̀ŋ ə ghʉ li soʼ a Klistò nkù a vəghəŋ.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Kòlòsyàns 1:4

Yès ə ku kəzòŋ a Nyìngòŋ byìʼì ando yès əzhʉ li la ghə̀ŋ byɨmə li a Yesò Klistò be sə kòŋ viʼi Nyìngòŋ no və tsèm.

1 Tèsàlonyà 3:12

Bobo na nè ə ghə̀ŋ tuʼ kòŋ təwen ə tyəŋtə be kòŋ viʼi və tsèm ndə̀ŋndəŋ ando yes ə kòŋ ghə̀ŋ.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

Hibùlù 13:1

Ghə̀ŋ nkòŋmə̀ tə wen ə təŋtə to kòŋmə a nə̀ vəlemə.

Jems 2:8

Soʼ toghə a ghə̀ diʼì a ŋwàʼlə̀ Nyìngòŋ dìʼ la, “Wù diʼì əkòŋ lèmə̀ wù ando wù kòŋə̀ wen ə̀ wu.” Ghə̀ŋ sətsen ə nsù nè a lì mu ghə̀ŋ nè à nkàyn.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.

1 Joyn 3:11

Ghə̀ŋ ə nzhʉ li ntɨm ghèn fa kənzìtə la vəghəŋ diʼ ə nkòŋmə̀ təwen tə vəghəŋ.

1 Joyn 3:23

Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

1 Joyn 4:21

Əsoʼ yi a Nyìngòŋ ə ku à vəghəŋ dìʼ la, no ndò a ghə̀ ə kòŋə̀ Nyìngòŋ dìʼ be ə nkòŋə̀ lèmə̀ wen.

2 Joyn 1:5

Mà mu sə sensə wù luwèn a wùwì la mà ko nyòʼò əsoʼ fighə à wù alì mà ku tò yi a vəghəŋ ə nzhʉ li fa kənzìtə: la vəghəŋ ə nkòŋmə̀ təwen tə vəghəŋ.