Joyn 13:21 - The New Testament in the Babanki language

²¹ Yesò ə ngàʼa nyʉ̀ avenə alə kwòʼtə̀ ə wenə sə ku ngəʼ a wen no nànto. Ghə̀ mu gàʼ ə làynsə la, “Ma gaʼa a ghə̀ŋ no nəmwèʼè la wìʼ ə mùʼ fa ghə̀ŋ a ntìntìn ne ə baʼlə mo.”

Joyn 13:21 ပူးပေါင်းရင်းမြစ်များ

Matìyò 26:21

Və sə nzhɨ ghə̀ gàʼ à vəwenə la, “Mà gàʼà à ghə̀ŋ nəmwèʼè la wìʼ muʼ fà ghə̀ŋ a ntìntìn diʼi ne baʼlə mo.”

Matìyò 26:38

Ghə̀ mù gàʼà vəwenə la, “Nyʉ̀ tsenəvə ku ngəʼ à mò à kwòʼtə̀ no nànto mu və zì və zhwi mo. Ghə̀ŋ ŋwʉʼʉ to a shèn mbvʉ̀tə̀ mà vi.”

Ŋwàʼlə̀ Mak 14:18

Vəwenə nè ŋwʉʼʉ a məzhɨ, Yesò gàʼà vəwenə la, “Mà gàʼà à ghə̀ŋ nəmwèʼè la, wìʼ muʼ dìʼ à ghə̀ŋ a ntìntìn a ghə̀ ne baʼlə mo, yo wen ə zhɨ tò a muʼu.”

Ŋwàʼlə̀ Mak 3:5

Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

Joyn 11:33

Yesò ə yen to ando ghə̀ dì nə̀ viʼi vyi a wenə vəwenə vi amuʼ ə be dì, kənyʉ̀ na kì kə sə ku ngəʼ a wen, zafə wen no nànto.

Joyn 11:35

Yesò dì.

Joyn 11:38

Yesò ə ne dyʉ̀ zàʼa achʉ̀ əsè Lazalùs, kənyʉ̀ na kì ə bo ku to ngəʼ a wen. Əsè na yi ə ndiʼ chiʼi, mu və chiʼ nə̀ ngùʼ.

Joyn 12:27

Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn.

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 13:2

Və ne sə zhɨ̀ azhʉ̀ pfwomə, a diʼ ali mu Deblə̀ ku li əkwoʼtə a Judàs Iskalìyòt, ə wàyn Simùn, la ghə̀ baʼlə Yesò.

Joyn 13:22

Ndzɨ̀mtə̀sə bàm wensə sədiʼ nə̀ əkaynə ə, mu sə ki mu kaynə la ghə̀ gàʼa kumə ndò lo.

Shwèʼ 17:16

Andìʼ ando Bol nkə̀ʼtə̀ Silàs wenə̀ Timotì a Atèns, ə̀ yèn la ntə̀ʼ ayì nkiʼi mənyo no nghoʼo. Kənyʉ̀ ki sə ku ngəʼ à wen no nànto.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.