Joyn 12:43 - The New Testament in the Babanki language

⁴³ Vəwenə ə kòŋ la viʼi mbwomsə vəwenə chò la a mbwomsə Nyìngòŋ.

Joyn 12:43 ပူးပေါင်းရင်းမြစ်များ

Matìyò 6:2

“Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Ŋwàʼlə̀ Luk 19:17

Ghə̀ gàʼ à wù shwèʼ ayi la, ‘Wu ne li nkàyn! Wù diʼ wù shwèʼ jùŋə̀! Wu ne soʼo ntə̀ʼsə wum byiʼ ando ma yenli la wu kɨli ətùʼmə̀ nə̀ məfotə mə tyetə mə.’

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 5:41

“Ma ko kəŋ la viʼi ntemə təpfem a mò.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Joyn 8:54

Yesò ə bwensə gàʼ la, “a zhʉ a ma yi ndiʼ ə kuʼsə wenə ghomə mu a ko diʼ to kənyʉ̀ kətsenkə. Wìʼ yi a ghə̀ kuʼsə mo a diʼ Tìʼ ə ghom, to ndə̀ŋndəŋ ə wìʼ yi a ghə̀ŋ ə gaʼa la a diʼ Nyìngòŋ ghə̀ŋ.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 10:18

Kə diʼ alə̀ byìʼì ando wìʼ yi a ghə̀ diʼi la ghə̀ kwʉʼʉ li ko kwʉʼ no tebe a kəfo kətsen. A kwʉʼ to wìʼ yi a gàʼà Nyìngòŋ la ghə̀ kwʉʼʉ li.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.

1 Bità 3:4

Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.