Joyn 12:40 - The New Testament in the Babanki language

⁴⁰ “Nyìngòŋ ə nè li, vəwenə nfyɨf ə be ntosə tətyɨm tə vəwenə, ndiʼ vəwenə ki tèbe ki ko və lu yenə, kwòʼtə̀ tèbe kənyʉ̀, ko andiʼ la və kɨ; byìʼàndo vəwenə sətsen ə yenə be kɨ nyʉ̀ a və bwensə ə vi a Nyìngòŋ ghə̀ chʉʼ vəwenə.”

Joyn 12:40 ပူးပေါင်းရင်းမြစ်များ

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

Ŋwàʼlə̀ Mak 4:12

ndi vəwenə nki tò ki kò vəwenə lu nyenə; zhʉtə̀ nyʉ̀ tò zhʉtə alì kò vəwenə lù nkɨ kənyʉ̀ a və gàʼà, byìʼàndo vəwenə tu nyenə bè zhʉ kɨ nyʉ̀ mu vəwenə a bwènə̀ vì à Nyìngòŋ ghə̀ maʼa mbyɨsə vəwenə.”

Ŋwàʼlə̀ Mak 6:52

byìʼàndo vəwenə nko kɨ kənyʉ̀ a kə yì chò nə̀ kəbayn kì. Kə nto ghoʼo vəwenə ə vəwenə kɨ.

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Ŋwàʼlə̀ Luk 8:10

Yesò bwènsə̀ la, “Nyìngòŋ kuli tof à ghə̀ŋ la ghə̀ŋ nzhʉ be kɨ nyʉ̀ lyomtəvə vyi a və diʼì kùmə̀ soʼ fòyn Nyìngòŋ, alì a viʼi vətsen və, mà gàʼà tò ngàynsə ndi vəwenə nki shi alì kò vəwenə lə yenə kəfo, bè zhʉ nyʉ̀ kò vəwenə lə kɨ la və gàʼà la ghò lo.

Joyn 12:39

Vəwenə ə faŋ kò və lə byɨmə a ji a Isayà ə ngaʼa la:

Joyn 9:39

Yesò ə mu gàʼ a wen la, “Mà vi a mbyi ashə ə làynsə a shɨ viʼi, ə nè la viʼi və fyɨfkəvə ə yenə, viʼi a və yenə, kə və be yenə.”

Shwèʼ 15:3

Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto.

Shwèʼ 28:26

‘Dyʉ̀ gàʼ à viʼi venə la, ghə̀ŋ lu nzhʉ nyʉ̀ tò zhʉ, alì kò ghə̀ŋ ə lu nkɨ la və gàʼà la gho lo, ki shi tò ki alì kò ghə̀ŋ ə lu nyenə no kəfo,

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Lumans 9:18

Kə le diʼi la Nyìngòŋ ə sə kusə shinsə no tèbe ando a ghə̀ kòŋ ə kusə shɨnsə a wen. Ghə̀ kòŋ ə nè la wìʼ nkiʼi tyɨm ə toghə ghə̀ ne ando a ghə̀ kòŋ.