Joyn 12:36 - The New Testament in the Babanki language

³⁶ Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.” Yesò ə gàʼa nyʉ̀ venə alə ə nyɨŋ dyʉ̀ lyòmtə̀.

Joyn 12:36 ပူးပေါင်းရင်းမြစ်များ

Matìyò 21:17

Yesò gàʼ a lì lù fa tsu fʉ̀ fa Jelusalèm dyʉ̀ tsì a ntə̀ʼ Betanì.

Matìyò 5:14

Ghə̀ŋ dìʼ tò nə̀ baynə à viʼi mbyì. Ntə̀ʼ a ghə̀ diʼi a kwi pfen zì kò ghə̀ lu lyòmtə̀.

Ŋwàʼlə̀ Luk 16:8

Tìʼ Shwèʼ nè yen ji yì a wù Shwèʼ wamə ndi shɨtə kənyʉ̀ kə wen tsu ə bwomsə wen a wen ji tof.” Yesò mù gàʼ la, “Viʼi mbyì venə tofə a jisə a vəwenə shìtə nyʉ̀ vəwenə tsu chò vunə bayn.

Joyn 1:7

la ghə̀ nvi ə ndiʼ nchwò nsòʼ kumə əbayn na ghèn nə̀ ndi viʼi zhʉ̀ nyʉ̀ vyi a ghə̀ gaʼa ə byɨmə.

Joyn 11:54

Yesò ə yen ali ko ghə̀ be kwen tebè kəshi a zizi viʼi Jus yenə wen tsu, ə boŋsə nyɨŋ dyʉ̀ a ntə̀ʼ tsen, və toŋtə la Efèlèm, ashə lòʼ ə lo tseghə, boʼsə a nse zɨm, ə sə tsi tsu wenə ndzɨ̀mtə̀sə bàm wensə.

Joyn 12:37

Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen.

Joyn 12:46

Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.

Joyn 3:21

Nò ndò yi a ghə̀ tsi ntsìnə̀ ətɨmə ghə̀ fʉ̀ vi ə bayn ndiʼ viʼi ə yen nəmwèʼè la ghə̀ nè nyʉ̀ a ji yì a Nyìngòŋ ə kəŋ.”

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Joyn 8:59

Nò zhʉ̀ko vəwenə boŋtə nguʼsə ə sə kəŋ ə temlə Yesò nə̀ səwensə, ali Yesò ə lyen ə fʉ̀ fa kəbəŋ kə ngə̀ŋ Nyìngòŋ.

Efisyàns 5:8

Ghə̀ŋ diʼ alə̀ mu ghə̀ŋ ə ndiʼ ati kəbəŋ kə fenəkə to nə̀ viʼi a venə, ali ando ghə̀ŋ sə diʼ vye və Nyìngòŋ luwen, ghə̀ŋ sə diʼ a tyi kəbəŋ kə baynəkə. Ji a ghə̀ŋ ə tsi luwen diʼi ndiʼ to nə̀ vunə kəbəŋ kəbaynəkə.

1 Tèsàlonyà 5:5

Byìʼì ando no ghə̀ŋ və tsèm ə tsi ntsìnə̀ ə jùŋə to nə̀ viʼi a və nè nyʉ̀, chwìchwì ə baynə. Vəghəŋ ə ko nè tebè nyʉ̀ alə ando və nè a kəlyomtə kò a kəbəŋ kə fenəkə.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.