Joyn 12:34 - The New Testament in the Babanki language

³⁴ Viʼi na vyi ə bèm la, “Əsoʼ ə vəghəŋ ziʼi la Klistò diʼ ə tsì ə faŋ, wù jeʼ ale ə gàʼa la, və diʼ ə lùsə Wàyn Wìʼ a? Wàyn Wìʼ na ghèn diʼ no ndò?”

Joyn 12:34 ပူးပေါင်းရင်းမြစ်များ

Matìyò 16:13

Yesò lù dyʉ̀ a shə loʼ tsenghə a ntə̀ʼ Sìsalìyà, Filibày ndiʼì tsu wenə̀ ndzɨ̀mtə̀sə bàm wen mù bèm à vəwenə la, “Viʼi gàʼ à la Wàyn Wìʼ dìʼ ndo?”

Matìyò 21:10

Yesò nè kwen mwètə̀ a Jelusalèm, ntə̀ʼ a yì nə̀ʼkə̀ no tsèm. Viʼi mù sə̀ bèmə̀ la, “Ghèn dìʼ ndo?”

Matìyò 8:20

Yesò bwènsə̀ gàʼ à wen la, “Məsòŋnə̀ kiʼi bʉ̀ʼ vəwenə, mənyin kiʼ təlòʼ tə vəwenə, alì kò Wàyn Wìʼ kiʼ kəshi ənyə̀ŋsə kətʉ kə wen tsu əzhʉ̀tə̀.”

Joyn 10:34

Yesò ə mu bèm a vəwenə la, “A kò və nyòʼ a ghə̀ŋ Əsoʼ la, Nyìngòŋ ə ngàʼa la, ‘Ghə̀ŋ diʼ Vənyìngòŋ’?

Joyn 12:32

A ne ndi a zhʉ a ve ne lùsə mo fa nse, mà dzàŋ no viʼi vətsèm, və vi a mò.”

Joyn 15:25

Nò tèbe ali, kə tə ə diʼ ə fʉ to ji na ghèn ndiʼ kənyʉ̀ ki a və nyoʼo a vəwenə a soʼ la, ‘Ghə̀ŋ tə ə bàynə̀ mò to kədyàŋ,’ kwʉʼ.

Joyn 8:28

Yesò ə gàʼ a vəwenə la, “Ghə̀ŋ lu kuʼsə wàyn Wìʼ a kəntò, no zhʉ̀ko, ghə̀ŋ mu kɨ la ‘Ma diʼ mo yi a ma diʼ,’ ə be kɨ la ma ko nè tebè kənyʉ̀ fa mò ngeŋ, ali gàʼa to kənyʉ̀ kì a Tìʼ ə ziʼi li mo nə̀ kəwenkə kə.

Lumans 3:19

Vəghəŋ ə kɨ la no tèbe ghò a yi a və nyoʼo a soʼ Nyìngòŋ diʼ a viʼi vyi a və tsi a yi ti. Kə diʼ a ji a ghèn ndiʼ kə wìʼ be a kiʼi kənyʉ̀ kətsen kə ə gàʼ. Nyìngòŋ ə chiʼtə li təchʉ̀ tə viʼi və tsèm. Ghə̀ lu soʼ viʼi və tsèm a mbyi.

Lumans 5:18

Wìʼ ə mùʼ ə nè mbyɨ, viʼi vətsèm ə byɨf, kə diʼ to ndə̀ŋndəŋ ando wìʼ ə mùʼ ə nè li kənyʉ̀ kə jùŋkə, Nyìngòŋ ə lyɨ viʼi vətsèm a viʼi kənyʉ̀ kətɨməkə, diʼ lu nè vəwenə ntsi diʼ.

Hibùlù 7:24

Alì ando Yesò tsi li faŋ to ghayn əmùʼ, ghə̀ diʼ mù ghə̀ be faŋ a pfèm ngə̀ŋ Nyìngòŋ to məzhʉ̀ ə tsèm.