Joyn 12:26 - The New Testament in the Babanki language

²⁶ No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 12:26 ပူးပေါင်းရင်းမြစ်များ

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Ŋwàʼlə̀ Mak 8:34

Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo,

Ŋwàʼlə̀ Luk 12:37

Ti shyèʼ sətsen bwənə pfwo kwetə viʼi shyèʼ wen bu sàŋlə sə diʼ à vəwenə. Ma gàʼ a ghə̀ŋ la no nkàyntə̀ wen à nè la vəwenə ŋwʉʼ a kəshi kə kəzhɨ, ghə̀ shɨtə wenə wen ə chòsə̀ fozhɨvə à vəwenə.

Ŋwàʼlə̀ Luk 6:46

“Byìʼì ghò a ghə̀ŋ dzàŋ mò la ‘Bobo, Bobo,’ məzhʉ tsèm, kènla ghə̀ŋ nè kənyʉ̀ kì a ma gàʼà ghə̀ŋ a?

Ŋwàʼlə̀ Luk 9:23

Yesò gàʼ alì mù gàʼ à nòyn viʼi vyi a və nvì lì la, “No məndò a ghə̀ kəŋ dzɨ̀mtə̀ mo, ghə̀ diʼi tyen ngə̀ŋ kətʉ wen ə byèʼè kəntò kə wen no məntsi ntsèm ə dzɨ̀mtə̀ mo.

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Joyn 13:16

Ma gaʼa a ghə̀ŋ no nəmwèʼè la wù ə shwèʼè ko tɨmə chò tiʼi shyèʼ wen, wù ə ntɨm ko ntemə chò wìʼ yi a ghə̀ tɨmə wen.

Joyn 14:15

“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə.

Joyn 14:3

Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Joyn 21:22

Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

2 Kolìntyàns 5:8

Nəmwèʼè, vəghəŋ to tò to a vəghəŋ a byɨmə, boŋsə kòŋ ə moʼtə əwen ghenə ə dyʉ̀ ə ntsi a ben ə Bobo.

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

Filìbàyns 1:23

Mà sə fɨŋmə fa ntìntìn nyʉ̀ a ghèn, kòŋ ə moʼtə nse ghèn ə dyʉ̀ ə ndiʼ yo Klistò, a diʼ kənyʉ̀ ki a kə bòŋ kwʉʼʉ a mò.

Kòlòsyàns 3:24

kɨ la Nyìngòŋ ə na ku moʼtə ghə̀ŋ nə̀ fo vi a ghə̀ ghʉ̀ a viʼi wen. Byìʼì ghə̀ŋ shwèʼè to Bobo.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Joyn 5:3

Ghenə diʼ əkòŋ ə Nyìngòŋ: la vəghəŋ ghʉ təsoʼ tə wen. Təsoʼ tə wen tə ko to a məghʉ,

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.