Joyn 11:55 - The New Testament in the Babanki language

⁵⁵ A ndiʼ a zhʉ a ghèn mu kətsi kə kəzhɨ kə məzaʼsə viʼi Jus nsə boʼsə, viʼi pfwo kuʼ a Jelusalèm, to kədə̀ŋ, ə shʉ təwen tə vəwenə a ji ntsìnə̀ əloʼ mibu kətsi kə məzaʼsə kə vi.

Joyn 11:55 ပူးပေါင်းရင်းမြစ်များ

Matìyò 26:1

Andìʼ a zhʉ a Yesò nziʼi li nyʉ̀ venə no tsèm, ghə̀ gàʼ à ndzɨ̀mtə̀sə bàm wen la,

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Ŋwàʼlə̀ Mak 14:1

A nè sə ndiʼ a lì mu à fàŋ tò mətsi mbò fa kətsi kə məzaʼsə̀ nə̀ mətsi mì a və zhɨ kəbàyn kè nə̀ fəshɨ̀ŋ fə tsu, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ sə kəŋə jì ənyoʼtə ghaʼ Yesò ə zhwi.

Ŋwàʼlə̀ Luk 22:1

Ando kətsi kəghoʼkə a və nzhɨ kəbayn kə məka kèn nə̀ fəshɨ̀ŋ fə tsu, mboʼsə̀ vì a və ndzàŋ nə̀ məzaʼsə̀,

Joyn 12:1

A nfàŋ to mətsi ntʉfə a ndiʼ mətsi mə məzaʼsə zìtə̀, Yesò ə dyʉ̀ a Betanì, a diʼ ntə̀ʼ və Lazalùs yi a ghə̀ lusə fa pfʉ li.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Joyn 2:13

A sə boʼsə dyʉ̀ a mətsi yì a viʼi Jus ə nzhɨ kəzhɨ kə məzaʼsə, Yesò ə nlu li ə kuʼ a Jelusalèm,

Joyn 2:6

A ndiʼ ali, viʼi Jus tsɨfə nguʼsə, shɨtə vəntòyn tsu, ndiʼ ə shʉ̀ əwen tsu ndi ndiʼ nə̀ laynə a ashɨ Nyìngòŋ, ando soʼ ə vəwenə ə gaʼa. A ndiʼ akəshi kə làm na ghèn mu və tomtəli vəntòyn vəghoʼkəvə a venə la ntʉfə. Ghə̀ mùʼ ndiʼ mu və zizi və kaʼsə əchom a mù ə zìtə̀ fa məwumə mbò dyʉ̀ zaʼa məwumə ntaʼ mibu ghə̀ lwin.

Joyn 5:1

A ndiʼ to ando nyʉ̀ na venə fʉ li ə chò, Yesò ə bwenə kuʼ a Jelusalèm ə zhɨ̀ kətsi kə ghoʼo kə viʼi Jus kətsen.

Joyn 6:4

A ndiʼ alì mu ə mətsi mə kəzhɨ kə məzaʼsə̀ ə viʼi Jus kə sə boʼsə̀ vì.

Shwèʼ 21:24

Wù a lyɨ̀ vəwenə wenə̀ və wenə dyʉ̀ shʉ̀ təwen təŋtə ndi nlaynə a shɨ Nyìngòŋ, wù loʼ no ghò yì a vəwenə ndiʼ lòʼ ndi və kom tʉ vəwenə. Wù sətsèn nè a lì, və à yèn nəmwèʼè la no tè ghò a və tə ngàʼà byìʼì wù dìʼi ndzɨ̀ŋ byìʼàndo no nkàntə̀ wù ə̀ ghʉ soʼ Mosìs.

Shwèʼ 21:26

Tʉʼ layn, Bol lyɨ̀ viʼi a vyi wenə̀ vəwenə dyʉ̀ shʉ̀ təwen tə vəwenə, ghə̀ mù lù dyʉ̀ kwèn a ngə̀ŋ Nyìngòŋ ə̀ shə̀ʼtə̀ mətsi mì a vəwenə ndìʼi ne mwètə̀ ə shʉ̀ təwen tə vəwenə, bè shə̀ʼtə̀ zhʉ yi a no ndò fà vəwenə a ntìntìn ndiʼ ne ku kəku kə wen ando soʼ ndìʼì.

Shwèʼ 24:18

Vəwenə nyèn mo a ngə̀ŋ Nyìngòŋ mu mà sə diʼ mu mà ne li nyʉ̀ avenə ə mè mbe shʉ wen ghomə ndi ndiʼ nə̀ laynə shɨ Nyìngòŋ. Kənyʉ̀ kə nko chò tsu kò andiʼ la nòyn viʼi diʼ tsu.

1 Kolìntyàns 11:28

Nò ndò ə nlye lì wèn ə wen mibu ghə̀ zhɨ̀ kəbayn na kì be nyʉ̀ fa ndoŋ na ghèn,

Jems 4:8

Ghə̀ŋ vìtə̀ boʼsə Nyìngòŋ a ghə̀ a vìtə̀ ə boʼsə ghə̀ŋ. Ghə̀ŋ shʉ avu a ghəŋə fa nyʉ̀ byɨvə ghə̀ŋ ə viʼi nè nyʉ̀ byɨvə venə. Ghə̀ŋ shʉ tətyɨm ə təŋtə fa nyʉ̀ byɨvə ghə̀ŋ a viʼi tətyɨm tə̀ bò venə.