Joyn 11:26 - The New Testament in the Babanki language

²⁶ A tsi no ndò ə byɨmə a mò, ko ghə̀ lu be pfʉ no fa mphen.” Yesò ə gàʼ ali ə bèm a Matà la, “Wù byɨmə nakèn kə a?”

Joyn 11:26 ပူးပေါင်းရင်းမြစ်များ

Matìyò 26:53

Ghə̀ŋ ko kɨ̀ la à tu yi ndiʼ soyn mu mà zì mà sensə Tìʼ ghom ghə̀ ku ntsɨ̀ŋsə ngə̀ŋ wen nkamsə no sə ghoʼo la sə soyn à mò.

Matìyò 9:28

Ghə̀ dyʉ̀ kwen a ngə̀ŋ, viʼi a vyə ə vi ə bùmtə wen tsu. Ghə̀ bèm a vəwenə la, “Ghə̀ŋ byɨmə nəmwèʼè la mà zi ə mà ne ə ghə̀ŋ bè yenə əshi a?” Vəwenə bwènsə̀ la, “Yès ə byɨmə a Bobo.”

Ŋwàʼlə̀ Mak 9:23

Yesò bwènsə̀ gàʼ à wen la, “Byìʼì ghò a wu gàʼà à mò la a zhʉ a mà zì mà ne kənyʉ̀ a? No ndò a ghə̀ byɨmə mu və zi və ne no mə ghò à wen.”

Joyn 10:28

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Joyn 14:10

Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 9:35

Yesò ə zhʉ̀ li la və dzɨ̀m li ə shisə wìʼ yi a ghə̀ tə chʉʼ li fa ngə̀ŋ ntsentə, ə kəŋ ə dyʉ̀ nə̀ wen, ə bèm a wen la, “Wù lə byɨmə li a wàyn Wìʼ a?”

Lumans 8:13

Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.