Joyn 11:25 - The New Testament in the Babanki language

²⁵ Yesò ə gàʼ a wen la, “A lusə mò lusə viʼi fa pfʉ̀, ku kədyòʼ la və tsi. A byɨmə no ndò a mò, pfʉ tèbe pfʉ, ghə̀ ne bwensə lù ntsi.

Joyn 11:25 ပူးပေါင်းရင်းမြစ်များ

Ŋwàʼlə̀ Luk 23:43

Yesò bwènsə̀ gàʼ a wen la “Nəmwèʼè, nəmwèʼè, ma shə̀ʼtə̀ à wù la wù a ndiʼ yowù layn a kəshi kəbwòŋ Nyìngòŋ.”

Joyn 1:4

Ghə̀ ə nkiʼi ntsìnə̀, ntsìnə̀ ayi ku əbayn a viʼi.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Joyn 5:26

Nyìngòŋ diʼ wìʼ yì a ghə̀ ku ə ntsìnə̀, ndə̀ŋndəŋ a ghə̀ be ne la wàyn wen be ndiʼ wìʼ yì a ntsìnə̀ ə lu fa wen.

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

Joyn 6:44

Tìʼ yì a ghə̀ tɨmə mo faŋ ke ne wìʼ la ghə̀ vì a mò, ko ghə̀ a vì. Ghə̀ sətsen ə vì, mu ma lu bwensə lùsə wen fa pfʉ a kətsi kə ə bàm.

Shwèʼ 3:15

Ghə̀ŋ nè a lì və zhwì wìʼ yì a ghə̀ bòʼò jì bwòŋ à viʼi, alì Nyìngòŋ lùsə̀ wen fa pfʉ. No nkàntə̀ yès ə̀ ndìʼ viʼi və yenəvə a kənyʉ̀ aghèn.

Lumans 4:17

Kə diʼ to ndə̀ŋndəŋ ando və nyòʼo a Ŋwàʼlə̀ Nyìngòŋ a kəshi yi a ghə̀ ə gaʼa tsu a Ablaham la, “Ma wʉ̀ li wù a tìʼ a təloʼ to kədə̀ŋ.” Nyìngòŋ yi a Ablaham ə mbyɨmə ə wʉ̀ li wen a tìʼ a vəghəŋ. Ghə̀ nè li la viʼi və pfʉkəvə bwensə ə ntsi. Ghə̀ ə gaʼa to nə̀ əchʉ̀ la fo ndiʼ, və sə diʼ ko andiʼ la və ndiʼ.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

1 Kolìntyàns 15:18

Kə yi ndiʼ alə, kə a diʼi la viʼi vyi a və tə sə pfʉ, mu və byɨmə li a Yesò, ə lè li to kədyàŋ.

1 Kolìntyàns 15:29

Viʼi sətsen ndiʼ lu faŋ kə lù fa pfʉ nəmwèʼè, viʼi və to və ne sə shi mu akəshi ə wìʼ mu və pfʉkə li, ətof na yi ə diʼ la ghò? Kə sətsen ə ndiʼ la və ko lu lùsə tebè viʼi fa pfʉ, viʼi sə shi mu akəshi ə̀ viʼi və pfʉkəvə na vyi byìʼì gho?

2 Kolìntyàns 4:14

Yès diʼ ə nshə̀ʼtə̀ alə byìʼì ando yès ə kɨ la, Nyìngòŋ yi a ghə̀ nlùsə Bobo Yesò fa pfʉ̀ ə be lu lùsə vəghəŋ vi a və diʼi viʼi Yesò ə lyɨ̀ tsèntə ghʉ vəghəŋ a wen ashɨ.

Filìbàyns 1:23

Mà sə fɨŋmə fa ntìntìn nyʉ̀ a ghèn, kòŋ ə moʼtə nse ghèn ə dyʉ̀ ə ndiʼ yo Klistò, a diʼ kənyʉ̀ ki a kə bòŋ kwʉʼʉ a mò.

Filìbàyns 3:10

Mème kənyʉ̀ a mà kəŋə dìʼ la mà kəŋə kɨ Klistò ə be kiʼ kədyòʼ kì a Nyìngòŋ ə̀ nku à wen ghə̀ lù fa pfʉ, mà kəŋə yen ə ngəʼ to nè wen ə be pfʉ to nè wen.

1 Tèsàlonyà 4:14

Vəghəŋ ə byɨmə la Yesò ə mpfʉ ə bwensə lù fa pfʉ, be byɨmə la Nyìngòŋ ə lu nè Yesò lyɨ̀ viʼi vyi a və ə tə pfʉ byɨmə ə vəwenə bwenə kuʼ a akàŋ, wenə vəwenə tsèntə diʼ to muʼ.

Kəmwetə 1:18

be diʼ ə̀ wen yì a ghə̀ diʼi to (tsi). Mà ə mpfʉ li ə̀ bè lù fa pfʉ sə diʼ to ə zaʼa no fa ze. Mà kiʼi àdyoʼ a kətʉ ə pfʉ be a aloʼ viʼi və pfʉkəvə.

Kəmwetə 20:5

Viʼi vəpfʉkəvə vətsenvə vi ə̀ nko bwènsə̀ lù fa pfʉ əzaʼa fa zhʉ a ngʉ̀ʼsə nkam sènsə me. Kènkə dìʼì mbì məlù ə viʼi fa pfʉ.

Kəmwetə 21:4

Ghə̀ lu chì məshɨ no ə tsèm fa ashɨ nə̀ vəwenə ko pfʉ ə na be ndiʼ. Wìʼ ko bè diʼ lu kusə tebè shɨnsə, ko ghə̀ di, ko kəfòkə ə be zàfə tebè wìʼ byìʼì ando nyʉ̀ ə muvə chò li.”

Kəmwetə 22:1

Fa yi abàm, Ntsɨŋ Nyìngòŋ na yì ə be diʼ mu mi a mò a ghə̀ kù tsi, ghə̀ baynə to alə to nə̀ kənkàʼtə̀. Mu a mi nə̀ fʉ̀ vi fa kəkɨ kə fòyn Nyìngòŋ ə wenə We Njɨ̀,

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.