Joyn 10:5 - The New Testament in the Babanki language

⁵ Byisə a shisə zizi ko sə lu dyʉ̀ fa bàm ə wìʼ yi a sə ko kɨ wen. Sə nə̀ yenə wù kədyàŋ, sə boŋsə nyɨŋ to nyɨŋ byìʼàndo sə ko zhʉ kɨ gɨ wen.”

Joyn 10:5 ပူးပေါင်းရင်းမြစ်များ

Ŋwàʼlə̀ Mak 4:24

Ghə̀ bè gàʼ à vəwenə la, “Ghə̀ŋ ntùʼmə̀ nə̀ nyʉ̀ vyi a ghə̀ŋ zhʉ. No nshə̀ʼ ko a ghə̀ŋ ku fo tsu à viʼi à dìʼi ndə̀ŋndəŋ nshə̀ʼ a və be lə ku tsu à ghə̀ŋ ə be ku tè ku ə chò.”

Ŋwàʼlə̀ Luk 8:18

“Ghə̀ŋ tùʼmə̀ li nə̀ jì a ghə̀ŋ zhʉtə fa tsu byìʼì no məndo, a ghə̀ kiʼi, və a ku kwùʼsə̀ a wen, no məndo, a ghə̀ ko kiʼ və a shi tè kətyetə kyì a ghə̀ kwòʼtə̀ la ghə̀ kiʼi.”

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 10:4

Ntsɨ̀ŋ a ghèn nə̀ lyɨ fʉ̀ nə̀ byisə wen a shisə no sətsèm ali, ghə̀ ə sə jèʼè tùʼmə̀ nə̀ səwensə, sə vì to fa wen abàm byìʼàndo sə zhʉ̀ kɨ gɨ wen.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

1 Joyn 2:21

Mà ko nyòʼò nyʉ̀ venə à ghə̀ŋ byìʼàndo ghə̀ŋ ə ko kɨ̀ kənyʉ̀ kə nəmwèʼè, alì mà nyòʼò byìʼàndo ghə̀ŋ ə kɨ li ə be nkɨ la ndzɨ̀ŋ ə ko diʼ a tyì nəmwèʼè.

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.