Joyn 10:2 - The New Testament in the Babanki language

² Wìʼ yi a ghə̀ diʼ to no nkàyntə̀ ntsɨ̀ŋ byisə ghə̀ nə̀ kwen to fa chʉ̀ mbàyn.

Joyn 10:2 ပူးပေါင်းရင်းမြစ်များ

Matìyò 15:11

A ko diʼ kəfo kì a kə kwenə à wìʼ a chʉ̀ a kə nè la kə wìʼ ndiʼ wu laynə a ashɨ Nyìngòŋ, à bòŋsə̀ dìʼ nyʉ̀ vyi a və fʉ̀ fà wen a chʉ̀.”

Joyn 10:14

Ma diʼ to no ntsɨ̀ŋ byisə ə jùŋ, ma kɨ byisə shomsə, sə kɨ mò,

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 10:9

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

Taytùs 1:5

Mà tə̀ ghʉ̀sə wù a Klete la wù myetə shyèʼ yi a ghə̀ tə̀ fàŋ tsu ə̀ bè tsùʼtə vəchəʼ və ngə̀ŋ Nyìngòŋ no a ntə̀ʼ ko ando mà tə gàʼ à wù.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

1 Bità 2:25

byìʼì ando ghə̀ŋ ə nkumə jèʼe to nə̀ ə byisə və njɨ̀ a sə le li jì, ali luwen sə diʼ mù Nyìngòŋ ə bwensə li lyɨ̀ ə vi nə̀ ghə̀ŋ a Ntsɨŋ byisə, à wìʼ yi a ghə̀ tsɨŋ əzhwì ə vəŋə.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”