Joyn 1:49 - The New Testament in the Babanki language

⁴⁹ Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 1:49 ပူးပေါင်းရင်းမြစ်များ

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 2:2

La,“Wàyn yì ye a və bwi, a ghə̀ lu ndiʼ fòyn və Jus lì lo? Yès yenli fədzɨ̀ŋ fə wen à yès a loʼ mù sə vì ə gumlə wen,”

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”

Matìyò 23:7

A lə̀ ndiʼ a zhʉ a vəwenə dyʉ̀ a shi mənsàm vəwenə sə kəŋə la viʼi nyɨŋə vì toŋtə vəwenə nə̀ gumləghə be kəŋə la viʼi ndzàŋə̀ vəwenə nə̀ ndìʼsə̀sə.

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

Matìyò 27:11

Andìʼ ando və nlyɨ Yesò dyʉ̀ nə̀ wen à Bilate ghə̀ bèm à wen la, “Wù dìʼ fòyn Vəjew mu?” Yesò gàʼ à wen la, “Kə diʼ ando wu gaʼà.”

Matìyò 27:42

gàʼà la, “Ghə̀ lə mbwòŋsə̀ tò viʼi, luwèn sə diʼ kènla ghə̀ zì ghə̀ bwoŋsə wen wenə. Ghə̀ tə ngàʼà la ghə̀ dìʼ fòyn viʼi Islel, ghə̀ shiʼi lì luwèn fa kəntò a shèn ndi yès byɨmə wen.

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Ŋwàʼlə̀ Mak 15:32

“Shiʼi fa kəntò a Klistò ə̀ fòn viʼi Islel! ndi yès yen ə̀ byɨmə à wù.” Viʼi vi vəbò a və mbantə wen wenə̀ vəwenə lì bè sə telə̀ wen.

Ŋwàʼlə̀ Luk 1:35

Ntsɨŋ ngə̀ŋ Nyìngòŋ yì bwènsə̀ gàʼa a wen la “Kəzhwì kəŋwoʼkə ne shiʼi a wu kətʉ, kədyòʼ kə Nyìngòŋ kə chiʼitə wu no tsèm. Kə la diʼi la wàyn a ghèn ne to və dzàŋ wen la wàyn Nyìngòŋ.

Ŋwàʼlə̀ Luk 19:38

La, “Mbwaʼmə à fòyn yi a ghə̀ vì a zhìʼ Bobo. Mbwaʼmə ndiʼ a kàŋ. Nyìngòŋ nkiʼ kuʼsə ghoʼghə a kəshi yì a kə ŋaŋtə̀li nkwʉʼ!”

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 1:34

Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

Joyn 1:38

Yesò ə kaʼsə ki, ə yen vəwenə to ando və vi fa a wen abàm ə bèm a vəwenə la, “Ghə̀ŋ kəŋ ghoʼ?” Vəwenə bèm la, “Wù tsi fe a Labày?” Labày na ghèn diʼi gàʼ lòʼ la “Ndìʼsə̀”.

Joyn 1:50

Yesò mu bè gàʼ la, “Wù byɨmə to byìʼì ando mà gàʼ la ma yi yen wù azhʉ̀ yi a wù yi ŋwʉʼ a tsi ə fəkoʼ fə fig li mu? Alì, wu be ne yen nyʉ̀ ə tsenəvə, və chò na ki.”

Joyn 18:37

Balèt ə bèm a wen la, “wù mu diʼ fòyn?” Yesò ə bwensə ə gàʼ la, “Wù gàʼa to no nəmwèʼè la ma diʼ fòyn. Və mbwi mo a fòyn, ma vi a mbyi a fòyn ə shə̀ʼtə̀ kənyʉ̀ ki a kə diʼ nəmwèʼè. Nò ndo yi a ghə̀ gàʼà nəmwèʼè ə zhʉ gɨ ghom.”

Joyn 4:31

A ndiʼ a zhʉ na ghèn, ndzɨ̀mtə̀sə bàm ə Yesò sə sensə wen gàʼ la, “Ndìʼsə̀, zhɨ li kəfo lò.”