Joyn 1:38 - The New Testament in the Babanki language

³⁸ Yesò ə kaʼsə ki, ə yen vəwenə to ando və vi fa a wen abàm ə bèm a vəwenə la, “Ghə̀ŋ kəŋ ghoʼ?” Vəwenə bèm la, “Wù tsi fe a Labày?” Labày na ghèn diʼi gàʼ lòʼ la “Ndìʼsə̀”.

Joyn 1:38 ပူးပေါင်းရင်းမြစ်များ

Ŋwàʼlə̀ Luk 10:39

A ndiʼ alì Matà kiʼ lèmə̀ wen tsen a zhiʼ wen ndiʼ Mèli. Mèli nvì ŋwʉʼ no mənzhʉ̀ tsèm a shɨ Bobo zhʉtə ziʼi wen.

Ŋwàʼlə̀ Luk 14:25

A ndiʼ ando Yesò njèʼè dyʉ̀, nòyn viʼi sə dzɨ̀mtə̀ dyʉ̀ nə̀ wen. Ghə̀ fuʼtə ə gàʼ à vəwenə la,

Ŋwàʼlə̀ Luk 15:20

Ghə̀ gàʼ alì mù lù sə bwenə pfwo dyʉ̀ à tìʼ wen. “Tìʼ wen yenə wen ghə̀ bù bu no kəghaf, nshinsə ku wen, ghə̀ nyɨŋ dyʉ̀ ə bwàmə wen.

Ŋwàʼlə̀ Luk 19:5

Yesò ne vì zaʼa tsu ə ki kuʼsə a kwi fəkoʼ ayì ə gàʼ à wen la,“Zàkyòs, zàŋsə shiʼì vì byìʼe ma dìʼì tsi a wu ngə̀ŋ layn.”

Ŋwàʼlə̀ Luk 22:61

Bobo kaʼsə kyi Bità tò fəchìʼ, Bità mù kwòʼtə̀ gaʼa a Bobo ngaʼli a wen la “Mibu nkə̀ʼ nè sə toŋ layn mu wu moli mò a ghan a to”

Ŋwàʼlə̀ Luk 8:38

Wìʼ yì a zhwì byɨvə yì fʉ̀ fa wenə a wèn dyʉ̀ sensə Yesò ədyʉ̀ wenə wen. Alì Yesò tensə ə gàʼ à wen la,

Joyn 1:37

Ndzɨ̀mtə̀sə bàm ə wen na shìsə zhʉ̀ ali ə lu ə sə dyʉ̀ fa bàm ə Yesò.

Joyn 1:39

Ghə̀ gàʼ a vəwenə la, “Ghə̀ŋ vi li yen a.” Vəwenə dyʉ̀ yen kəshi kì a ghə̀ ntsi tsu, a ndiʼ ali mu à sə diʼ a bwaʼa kəbəŋ. Vəwenə ŋwʉʼmə to tsu zaʼa fa mpfwòmə.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Joyn 12:21

vəwenə dyʉ̀ yen Filib, a diʼ wù ə ntə̀ʼ ə tsen a Galìlì və toŋtə la Bèsaydà, ə sensə wen ə gàʼ la, “Tikəbəŋ, yès əkòŋ ə yen Yesò.”

Joyn 18:4

A ndiʼ ali, Yesò ə nkɨ no tèbe ghò a ghə̀ ndiʼ ə fʉ̀ a wen. Ghə̀ fʉ̀tə̀ vi ə bèm a vəwenə la, vəwenə kəŋ ndò lo.

Joyn 18:7

Ghə̀ be bèm a vəwenə la, “Ghə̀ŋ kəŋ ndò lo?” Vəwenə be bwensə la, “Yès ə kəŋ wàyn ə wù Nazalèt ghèn a və toŋtə la Yesò lə.”

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Joyn 3:26

Ndzɨ̀mtə̀sə bàm ə Joyn na shìsə ne dyʉ̀ ə yen ə wen, ə gàʼ a wen la, “Ndìʼsə̀, wù kwòʼtə wìʼ yi a ve wen tə ndiʼ a dzen a mu mə Jodàn, a wù ngaʼa byìʼì wen li a? Ghə̀ sə ku mu a viʼi luwen, ali viʼi vətsèm sə dzɨ̀mtə̀ tò wen luwen.”

Joyn 4:31

A ndiʼ a zhʉ na ghèn, ndzɨ̀mtə̀sə bàm ə Yesò sə sensə wen gàʼ la, “Ndìʼsə̀, zhɨ li kəfo lò.”

Joyn 6:25

Viʼi na vyi mù ə yen Yesò ə bèm a wen la, “Ndìʼsə̀, wù vì a shèn a zhʉ ko?”

Shwèʼ 10:21

No a zhʉ kò, Bità shiʼi dyʉ̀ gàʼ à vəwenə la, “Mà dìʼ wìʼ yì a ghə̀ŋ kəŋə lì. Ghə̀ŋ vì ənè gho?”

Shwèʼ 10:29

A lè kənyʉ̀ kì a Kòneliyòs yì tɨm ə̀ ndzàŋ mò, ko a ndiʼ la ma bèmə li kənyʉ̀ no mpfen, alì mvi tò vi. Shə̀ʼtə lì a mò a Kòneliyòs la, wù yì tɨm ə̀ ndzàŋ mò a gho lo?”