Joyn 1:15 - The New Testament in the Babanki language

¹⁵ A diʼi wen yi a Joyn ə gaʼa kumə a ghə̀ ə dzàŋ gàʼ la, “Ghèn diʼi wen yi a ma ə gaʼa a ghə̀ŋ la, ‘Ghə̀ vi fa mo abàm, chò mò byìʼì ando və ə sə bwi mo, mu ghə̀ ə sə diʼ.’”

Joyn 1:15 ပူးပေါင်းရင်းမြစ်များ

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Ŋwàʼlə̀ Mak 1:7

Ghə̀ nshə̀ʼtə̀ kənyʉ̀ kə Nyìngòŋ à viʼi gàʼà la, “Wìʼ ə vì fà mò bàm a ghə̀ chò mò. Mà ko kwʉ̀ʼ tè a nə̀ kəkòs əlaŋtə la mà zàtə̀ mpfʉ̀sə gwʉsə aghʉ wen.

Ŋwàʼlə̀ Luk 3:16

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

Joyn 17:5

Lyɨ mo luwen a wù ben a Tìʼ ghom, ndi viʼi ku əkuʼsə yi a mò a yowù ə nkiʼi mibu və shɨtə mbyi.

Joyn 8:58

Yesò ə bwensə gàʼ a vəwenə la, “Ma gaʼa a ghə̀ŋ tò no nəmwèʼè la, və sə bwi Ablaham mu ma sə diʼ.”

Kòlòsyàns 1:17

Wàyn Nyìngòŋ ə nsə diʼ mibu və shə̀ʼtə̀ no tèbe ghò. A diʼi wen yi a ghə̀ ne la no tèbe gho ə ndiʼ akəshi yi a kə diʼ tsu.

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 2:8

Ghə̀ bè gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Smylna la: Ghèn dìʼ ntɨm fà wìʼ yì a ghə̀ dìʼ ə mbì be diʼ ə̀ bàm, wìʼ yì a ghə̀ mpfʉ ə̀ bè bwènsə̀ lù fa pfʉ.