Jems 4:5 - The New Testament in the Babanki language

⁵ Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.

Jems 4:5 ပူးပေါင်းရင်းမြစ်များ

Joyn 10:35

Nyìngòŋ ə sətsen ə toŋtə viʼi vyi a kənyʉ̀ kə Nyìngòŋ kə ə vì a vəwenə la, ‘Vənyìngòŋ,’ vəghəŋ ə kɨ la və zizi ko və lu kwitə kənyʉ̀ kə Nyìngòŋ,

Joyn 19:37

a diʼ to kənyʉ̀ ki a və nyoʼ la, “Viʼi lu ki wen yì a vəwenə sù.”

Joyn 7:42

A Ŋwàʼlə̀ Nyìngòŋ gàʼ la Klistò lu fʉ̀ fa ngwaʼ ngə̀ŋ ə Fòyn Devìt, la və lu bwi wen a Betə̀lèhem a ntə̀ʼ nə̀ Devìt?”

Shwèʼ 7:9

“Zhʉ tsenghə kuʼ ə̀ kwʉ̀ʼ, vətìʼ vəghəŋ və mbì vi sə ghə̀ʼə̀ lèmə̀ vəwenə, Josèf, ə̀ bàʼlə wen la ghə̀ dyʉ̀ nshwèʼè kəkòs a Ijìb alì Nyìngòŋ sə tùʼmə̀ nə̀ wen

Lumans 1:29

Vəwenə ne tənki tə nyʉ̀ ə byɨvə to ə tsèm. Vəwenə tsi to a mbyɨ, kiʼ ashɨ ə bòghə, ətyɨm ə byɨghə, ghəʼə viʼi no nànto. Vəwenə ə zhwi, soynə, lobtə viʼi, kiʼ əkwoʼtə əbyɨghə, gaʼa kùwòŋ,

Lumans 9:17

Və və be nyòʼò la Nyìngòŋ ə ngàʼa a fòyn Ijìb la, “Ma lu wʉ̀ wù a fòyn to no byìʼì ando ma ə kəŋ ə diʼ kədyòʼ ə komkə chò fa wù, la viʼi zhʉ mo to mbi ə tsèm.”

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

2 Kolìntyàns 6:16

Ngə̀ŋ Nyìngòŋ ə ko kiʼi kənyʉ̀ ə nè wenə nshəʼsə. Ghə̀ŋ kɨli la vəghəŋ diʼ tò nə̀ ngə̀ŋ Nyìngòŋ yi a ghə̀ tsi, to ndə̀ŋndəŋ ando ghə̀ ngàʼa li la: “Mà ne ntsi a vəwenə a ntìntìn, diʼ yo vəwenə; Mà na diʼ Nyìngòŋ ə vəwenə, vəwenə diʼ viʼi vwomə.”

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,