Hibùlù 9:8 - The New Testament in the Babanki language

⁸ Kəzhwì kə Ŋwoʼkə ə ziʼi a vəghəŋ la ando lùm ə ngə̀ŋ mbì yì bo diʼ to diʼi ko andiʼ la və boʼo əchʉ yi, ji ko tɨmə diʼ a viʼi ə kwen Kəshi yi a kə Layn kwʉ̀ʼʉ̀.

Hibùlù 9:8 ပူးပေါင်းရင်းမြစ်များ

Ŋwàʼlə̀ Luk 1:80

Wàyn zakaliya kwi to a wèn bènə̀ a kəzhwì. Ghə̀ ntsi a nse zɨm ə zaʼa fa kətsi a ghə̀ ndiʼ zìtə̀ shwèʼè wen wenə viʼi Islel.

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 10:9

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Hibùlù 10:15

Kəzhwì kə ə ŋwoʼkə kə diʼ mu kə diʼi laynsə a vəghəŋ la kənyʉ̀ a kenkə ə diʼ to no nəmwèʼè. Kə ncho li mbì ə gàʼ la,

Hibùlù 3:7

A lə kənyʉ̀ ki a kəzhwì kə Ŋwoʼkə ə gàʼa la, “Ghə̀ŋ zhʉ̀ gɨ Nyìngòŋ layn,

Hibùlù 9:3

Lùmə ə tsen ndiʼ to ati fəngə̀ŋ a ghèn, kəbàs kə ə ndisə kə tsenkə ə nghaŋ a yi chʉ̀, və toŋtə lùm ayi la, Kəshi kì a kə Laynə kwʉ̀ʼʉ̀.

2 Bità 1:21

Kə diʼ alə̀ byìʼì ando no tèbe kənyʉ̀ kə kò a və ə nyoʼo li a ŋwàʼlə̀ diʼ mu à ə̀ nshə̀ʼtə̀ kəzhwì kə Ŋwoʼkə Nyìngòŋ. Wìʼ ə ko ə nyoʼo kənyʉ̀ kə tsen kə byìʼì ətof ə ngeŋ ə wen.