Hibùlù 9:23 - The New Testament in the Babanki language

²³ A lə diʼ la kə nkwʉ̀ʼʉ̀ to no la və shʉ əfo və laynə a shɨ Nyìngòŋ a ji a ghèn. Əfo à vènə ə nlyɨ to kəshi kə nkàyntə̀ əfo, a və diʼ a kàŋ ali və kwʉ̀ʼʉ̀ la və ku kəku kumə əfo na venə a və diʼi akàŋ, kə kuʼmə chò ki a və nə̀ kù kumə əfo ə nse.

Hibùlù 9:23 ပူးပေါင်းရင်းမြစ်များ

Ŋwàʼlə̀ Luk 24:26

Nshə̀ʼtə̀sə bè ko gàʼa la kè bè ko ndiʼ la Klistò diʼi yèn ngəʼ mibu kwèn a wen a fòyn?

Ŋwàʼlə̀ Luk 24:46

bè mù gàʼ a vəwenə la “Nəmwèʼè, və nyoʼli la Klistò ne yen ngəʼ a sə̀ ndiʼ a bàmə mətsi ntaʼ ghə̀ be lu fa pfʉ,

Joyn 14:3

Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu.

Shwèʼ 23:15

Yès ə̀ kəŋə luwèn la ghə̀ŋ viʼi soʼò nsoʼsə,tɨm ntɨm à kətʉ kə vəsugyèʼ kə ghoʼokə kì gàʼà à wen la və lyɨ Bol ə̀ vì nə̀ wen à ghə̀ŋ, bɨ̀lə̀ ədiʼ la ghə̀ŋ ə kəŋə ə bèmtə̀ mənyʉ̀lə̀ à wen no nkàyn. Və a sə mvì nə̀ wen ə yès zhwi wen kò a ndiʼ la ghə̀ tɨmə̀ zaʼa a shèn.”

Kòlòsyàns 2:17

Əfo na venə diʼ to ndèmdèm nyʉ̀ a və diʼ lù vi, ali nəmwèʼè yi a ghə̀ diʼi a ntìntìn nyʉ̀ a ghèn diʼ to Klistò.

Hibùlù 10:1

Təsoʼ tə Mosìs tə ndiʼ to ne kədèmdèm kə ə jùŋ yi a ghə̀ ndiʼ lù vì. A ko ndiʼ jùŋ a yi. Viʼi ə nkù zomtə kəku a Nyìngòŋ nə̀ ngwʉ̀ʼ nə̀ ngwʉ̀ʼ, a li ko kəku a kenkə diʼ mù kə zizi kə lu ne la vəwenə viʼi a və kəŋ nkuʼsə Nyìngòŋ ə ndiʼ viʼi kənyʉ̀ kətɨməkə ashɨ Nyìngòŋ.

Hibùlù 10:4

Kə diʼ alə̀ byìʼì ando mənlyuŋ mə byisə nə̀ mənlyuŋ mə nyamsə zizi ko mə lu ə shʉ mbyɨsə wìʼ.

Hibùlù 8:5

Əshwèʼ yì a vəwenə ne to nə̀ vəpfèm və ngə̀ŋ Nyìngòŋ diʼ to kədèmdèm kə kənyʉ̀ ki a kə diʼi akàŋ. A lə kənyʉ̀ ki a Nyìngòŋ ə nku kətyiftə a Mosìs a tʉʼ a ghə̀ ə nkəŋ ə bwòm fəngə̀ŋ fifə a Nyìngòŋ. Ghə̀ ə ngàʼà a wen la, “Tuʼmə ə shɨtə no tèbe ghò to ndə̀ŋndəŋ a ji yi a mà tə diʼi a wù a kwi pfèn.”

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.