Hibùlù 9:12 - The New Testament in the Babanki language

¹² Yesò ə ko ə lyɨ̀ mənlyuŋ mə nyàm ko mə byi ə kwen nə̀ mə wenə a kəshi yi a kə Layn kwʉ̀ʼʉ̀. Ghə̀ boŋsə lyɨ̀ to mənlyuŋ mə wen ə kwen tsu, to ə zen kətʉ kə vəghəŋ to ghayn əmùʼ.

Hibùlù 9:12 ပူးပေါင်းရင်းမြစ်များ

Ŋwàʼlə̀ Mak 3:29

alì mu no ndo sətsèn tè kəzhwì kə ŋwoʼəkə kò və lə̀ bè lyèsə̀ ku wen. Mu kə lì dìʼì la mbyɨ wen faŋ li à wen a kətʉ tò ghan mùʼ.”

Ŋwàʼlə̀ Luk 1:68

“Kuʼsə diʼ à Bobo Nyìngòŋ viʼi Islel byìʼì ando ghə̀ vili ə ghayntə viʼi wen bè zen kətʉ kə vəwenə.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Kòlòsyàns 1:14

Wàyn wen na yì nzen li kətʉ̀ kə vəghəŋ nə̀ mənlyuŋ mə wen ə be lyesə ku mbyɨsə vəghəŋ.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 10:19

Luwen a vəlemə vwomə, ando vəghəŋ kɨ nəmwèʼè la vəghəŋ lu kwen akəshi yi a kə Laynə kwʉ̀ʼʉ̀ byìʼì mənlyuŋ mə Yesò,

Hibùlù 10:4

Kə diʼ alə̀ byìʼì ando mənlyuŋ mə byisə nə̀ mənlyuŋ mə nyamsə zizi ko mə lu ə shʉ mbyɨsə wìʼ.

Hibùlù 13:12

Kə le diʼ to ndə̀ŋndəŋ ando və nlyɨ̀ ə fʉ̀ nə̀ wen fa ntə̀ʼ, ghə̀ yenə ngəʼ ə pfʉ ə shʉ̀ mbyɨsə viʼi nə̀ mənlyuŋ mə wen.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Hibùlù 7:27

Ghə̀ ko diʼ to nə̀ vəpfèm və ngə̀ŋ Nyìngòŋ sətsen shisə a sə ndiʼ ku kəku kumə mbyɨsə vəwenə to mətsi ə tsèm, mibu sə be ku kumə mbyɨsə viʼi. Ghə̀ diʼ mu ghə̀ nku wenə wen a kəku byìʼì mbyɨsə viʼi to ghaynə əmùʼ kə be mè to ali.

Hibùlù 9:13

A ndiʼ fa ambì, pfèm ə lyɨ̀ mənlyuŋ mə byi ko mə lɨmə nyàm mbuluʼ ko kəbʉ kə wàyn nyàm a və nyuʼ ghə̀ zoʼo a wenə viʼi a ntsìnə̀ loʼ ndiʼ la vəwenə ko nlaynə və mu nè wìʼ sə laynə to fa njòsə wen.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

Hibùlù 9:19

A ndiʼ ando Mosìs shə̀ʼtə təsoʼ tyitə a Nyìngòŋ ə kù a viʼi, ghə̀ chʉʼ ətam ə fəkoʼ be sùʼ boʼsə nə̀ mənlyuŋ mə vunə nyamsə mbuluʼ nə̀ mə ə byisə mu ə mès a ŋwàʼlə̀ tə əsoʼ ə be məsə viʼi tsu.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Hibùlù 9:7

A ndiʼ tèbè ali a kwen zàʼa to pfèm ngə̀ŋ Nyìngòŋ ə ŋaŋtə a Kəshi ki a kə Laynə kwʉ̀ʼ, kwen to aghayn ə mùʼ a ngwʉ̀ʼ. Ghə̀ nzhʉsə kwen, ghə̀ lyɨ̀ mənlyuŋ mə nyàm a və yi shə a kəku ə kwen ə ku a Nyìngòŋ ə ghə̀ lyesə ku mbyɨsə wen nə̀ mbyɨsə viʼi vətsenvə vyi a vəwenə ne, ko və kɨ.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.