Hibùlù 9:1 - The New Testament in the Babanki language

¹ Məkàyn mə mbì mì a Nyìngòŋ ə nzhɨ̀ wenə viʼi ə nkiʼi təsoʼ a tə diʼi ji yì a viʼi ə diʼ ə nkuʼsə Nyìngòŋ fa tsu be nə̀ kəshi kəlaynə kə a nshɨtə viʼi a və ndiʼ nkuʼsə Nyìngòŋ tsu.

Hibùlù 9:1 ပူးပေါင်းရင်းမြစ်များ

Ŋwàʼlə̀ Luk 1:6

Vəwenə vətsèm ntsi kətsi kə tɨmə kə a shɨ Nyìngòŋ. Nè nyʉ̀ vyi a və gàʼ no tsèm bè ghʉ təsoʼ tə Nyìngòŋ no tətsèm, kò vəwenə lə nkiʼ məghàm no fa mpfen

Lumans 9:4

Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

Hibùlù 8:13

Nyìngòŋ ə gàʼa kumə məkàyn mə mfimə̀ ə diʼ la mə mbì sə diʼ mù mə mùsə li. Vəghəŋ ə kɨ la kəfòkə nə musə ə tsitə to alə̀, və maʼa.

Hibùlù 8:2

Ghə̀ shyèʼ akəshi, a kə laynə kwʉ̀ʼ, a diʼ to no ngə̀ŋ Nyìngòŋ akàŋ a Bobo bwòmə ko ndiʼ la à bwòm viʼi.

Hibùlù 8:7

A tu ndiʼ la məkàyn mə mbì ə ndiʼ to akàyn, mu Nyìngòŋ ə nko bè ə kəŋ ə zhɨ̀ məkàyn mə mfimə̀ wenə viʼi.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.