Hibùlù 8:8 - The New Testament in the Babanki language

⁸ Alì Nyìngòŋ ə sə ghàmə̀ viʼi wen gàʼà la: “Əzhʉ nə̀ vi, a mà zhɨ̀ məkàyn mə mfimə̀ yo viʼi loʼ ə Islel nə̀ viʼi lòʼ ə Judà.

Hibùlù 8:8 ပူးပေါင်းရင်းမြစ်များ

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Ŋwàʼlə̀ Mak 14:24

Ghə̀ gàʼ à vəwenə la, “Mèn dìʼ mənlyuŋ mwomə̀ a və chʉ̀tə̀ byìʼì nghoʼo viʼi ə chiʼtə məkàyn mə̀ Nyìngòŋ.

Ŋwàʼlə̀ Luk 17:22

Ghə̀ mu bwènsə̀ gàʼ a ndzɨ̀mtə̀sə bàm wen la “Tʉʼ lə vyì a ghə̀ŋ lə shɨmtə la wàyn wìʼ yi ndiʼi ndiʼ wenə ghə̀ŋ alì, kò ndiʼ la ghə̀ŋ a yen.

Ŋwàʼlə̀ Luk 22:20

Zhʉ a vəwenə myetə̀li zhɨ, ghə̀ bè gisə̀ lyɨ̀ ndoŋ yi bè ku kəzòŋ à Nyìngòŋ ə ku a vəwenə gaʼà la “Ndoŋ ghèn diʼ ndoŋ məkàyn mə mfimə̀ a Nyìngòŋ chiʼtə nə̀ mənlyuŋ mwomə a chʉtə byìʼì ghə̀ŋ;

Ŋwàʼlə̀ Luk 5:38

Və diʼi wye məlyʉ̀ʼ mə mfimə̀ a vəsaʼ və fivə.

1 Kolìntyàns 11:25

A sə diʼ ando və zhɨ li mwetə, ghə̀ ne to ali nə̀ ndoŋ, ə gàʼ la, “Ndoŋ ghèn diʼ ndoŋ məkàyn mə mfimə̀ ando və chiʼ nə̀ mənlyuŋ mwomə̀. Ghə̀ŋ lyɨ ə nyʉ. No zhʉ̀ko a ghə̀ŋ ə nyʉ ghə̀ŋ ə kwoʼtə mò.”

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

Hibùlù 12:24

Ghə̀ŋ vi li a Yesò. A diʼi wen a ghə̀ lyɨ̀ vi nə̀ viʼi a Nyìngòŋ, ə bàyntə məkàyn mə mfimə̀ wenə vəwenə. Ghə̀ŋ kwen li a mənlyuŋ ə̀ Yesò yi a ghə̀ mesə laynsə ghə̀ŋ tsu. Mənlyuŋ na mèyn ndiʼi kənyʉ̀, kə kuʼmə chò ki a mənlyuŋ mə Abèl diʼ.

Hibùlù 7:22

Ando Nyìngòŋ ə kàyn li, kə lə diʼi la Yesò diʼ wìʼ a ghə̀ ti ne la kənyʉ̀ məkàyn mì a ghə̀ zhɨ vəghəŋ vəwenə luwen əboŋ chò myimə a mə ndiʼ ambì.

Hibùlù 8:13

Nyìngòŋ ə gàʼa kumə məkàyn mə mfimə̀ ə diʼ la mə mbì sə diʼ mù mə mùsə li. Vəghəŋ ə kɨ la kəfòkə nə musə ə tsitə to alə̀, və maʼa.

Hibùlù 8:6

Ə gàʼ kənyʉ̀ kumə shwèʼ yì a Yesò ə ne, ghə̀ shwèʼè chò və pfèm və ngə̀ŋ Nyìngòŋ a venə. Məkàyn mì a Nyìngòŋ ə zhɨ̀ wenə viʼi ə chò məkàyn mə mumə̀ byìʼì ando Nyìngòŋ ə ghʉ̀ li kəfo a kì, kə chò əfo vyi a ghə̀ ə̀ nku a viʼi fa ambì.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.