Hibùlù 8:5 - The New Testament in the Babanki language

⁵ Əshwèʼ yì a vəwenə ne to nə̀ vəpfèm və ngə̀ŋ Nyìngòŋ diʼ to kədèmdèm kə kənyʉ̀ ki a kə diʼi akàŋ. A lə kənyʉ̀ ki a Nyìngòŋ ə nku kətyiftə a Mosìs a tʉʼ a ghə̀ ə nkəŋ ə bwòm fəngə̀ŋ fifə a Nyìngòŋ. Ghə̀ ə ngàʼà a wen la, “Tuʼmə ə shɨtə no tèbe ghò to ndə̀ŋndəŋ a ji yi a mà tə diʼi a wù a kwi pfèn.”

Hibùlù 8:5 ပူးပေါင်းရင်းမြစ်များ

Matìyò 2:12

Vəwenə nè fʉ a məpfwo, pfwo fa jì kədyàŋ ando Nyìngòŋ ntyɨftəli wen a jòm la kə vəwenə be a bwènə̀ dyʉ̀ a Helòd.

Shwèʼ 7:44

“Vətìʼ və vəghəŋ və mbì nkìʼ fəngə̀ŋ fətsenfə, fə dìʼì la Nyìngòŋ ndìʼ a vəghəŋ a ntìntìn a nse zɨm. Və nlù bwòm fəngə̀ŋ afì tsu tò a ji yì a Nyìngòŋ nlù dìʼi, bè gàʼ la və bwom fa tsu.

Kòlòsyàns 2:17

Əfo na venə diʼ to ndèmdèm nyʉ̀ a və diʼ lù vi, ali nəmwèʼè yi a ghə̀ diʼi a ntìntìn nyʉ̀ a ghèn diʼ to Klistò.

Hibùlù 10:1

Təsoʼ tə Mosìs tə ndiʼ to ne kədèmdèm kə ə jùŋ yi a ghə̀ ndiʼ lù vì. A ko ndiʼ jùŋ a yi. Viʼi ə nkù zomtə kəku a Nyìngòŋ nə̀ ngwʉ̀ʼ nə̀ ngwʉ̀ʼ, a li ko kəku a kenkə diʼ mù kə zizi kə lu ne la vəwenə viʼi a və kəŋ nkuʼsə Nyìngòŋ ə ndiʼ viʼi kənyʉ̀ kətɨməkə ashɨ Nyìngòŋ.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Hibùlù 13:10

Vəghəŋ nə̀ kiʼi kəbaŋ kəku, vəpfèm vyi a shyèʼ a fəngə̀ŋ fə Nyìngòŋ, ghʉ̀ təsoʼ tə viʼi Jus, nko nkiʼi kədyòʼ ə zhɨ̀ fozhɨvə vyi a və nku tsu.

Hibùlù 9:9

Nakènkə ə diʼ nchwi ə diʼ a vəghəŋ a mbyi luwen la kəku ki nə̀ nyam shisə a və kù a Nyìngòŋ ə zizi ko kə lu ne la tətyɨm tə viʼi vyi a və kùʼsə Nyìngòŋ nə̀ laynə ashɨ Nyìngòŋ.

Kəmwetə 15:5

Fà yi ə bàm mà sə ki ə̀ yèn mu və bòʼò li kəshi kə ŋwoʼəkə a tì fəngə̀ŋ ati ngə̀ŋ ə̀ Nyìngòŋ ə ghoʼo a kàŋ.