Hibùlù 8:3 - The New Testament in the Babanki language

³ Və ntsuʼ no tèbe pfèm ə ngə̀ŋ Nyìngòŋ ə ŋaŋtə ə kò, mu və tsuʼ la ghə̀ ə nku kəku kə viʼi a Nyìngòŋ. Pfèm ə ngə̀ŋ Nyìngòŋ ə ŋaŋtə ə vəghəŋ ə bo diʼ nkiʼ kəfo ə ku a Nyìngòŋ.

Hibùlù 8:3 ပူးပေါင်းရင်းမြစ်များ

Joyn 6:51

A diʼ to no mò diʼ fozhɨvə na venə a və shiʼi ə vi fa kàŋ. A zhɨ no ndo zhɨ fozhɨvə na venə, mu ghə̀ ko lu be pfʉ. Ə fozhɨvə na venə diʼ wen ə ghomə yi a ma ne kù ndiʼ viʼi mbyi ə kiʼi ntsìnə̀ yi a ghə̀ faŋ to ghayn ə mùʼ.”

Lumans 4:25

Nyìngòŋ ə ku wen la və zhwi byìʼì mbyɨsə vəghəŋ ə bwensə lùsə wen fa pfʉ ə ne la vəghəŋ ndiʼ ti a nkàyn ashɨ ə Nyìngòŋ.

Lumans 5:6

Ghə̀ŋ kɨ li la andiʼ ando vəghəŋ bo nè nyʉ̀ ə byɨvə, ko ji kənyʉ̀ kətsenkə be baynə tebè a vəghəŋ, Yesò ə vi ə pfʉ ə bwoŋsə vəghəŋ. Ghə̀ nvi to azhʉ̀ yi a Nyìngòŋ ə mbaʼtə wʉ̀.

Lumans 5:8

Alì Nyìngòŋ ə diʼi làynsə ə kòŋ ə wen a vəghəŋ a ji la a ndiʼ ando vəghəŋ bo diʼ to no viʼi ə nyʉ̀ byɨvə, Yesò ə vi ə pfʉ ə bwòŋsə vəghəŋ.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 2:17

A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Hibùlù 5:1

Nò pfèm ngə̀ŋ Nyìngòŋ ə ŋaŋtə ə kò a viʼi Jus ə ntsuʼ fa vəwenə a ntìntìn nlyɨ kəshi kə viʼi ashɨ Nyìngòŋ, ku kəku kə nyamsə kumə mbyɨsə vəwenə.

Hibùlù 7:27

Ghə̀ ko diʼ to nə̀ vəpfèm və ngə̀ŋ Nyìngòŋ sətsen shisə a sə ndiʼ ku kəku kumə mbyɨsə vəwenə to mətsi ə tsèm, mibu sə be ku kumə mbyɨsə viʼi. Ghə̀ diʼ mu ghə̀ nku wenə wen a kəku byìʼì mbyɨsə viʼi to ghaynə əmùʼ kə be mè to ali.

Hibùlù 8:4

A tə ndiʼ la Yesò ə diʼ a nse, mu ghə̀ ko diʼ pfèm ə ngə̀ŋ Nyìngòŋ no fa phen byìʼì ando vəpfèm və ngə̀ŋ Nyìngòŋ və tsensə nsə diʼ a nse, ku kəku kikə a Əsoʼ ə Mosìs ə kəŋ.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.