Hibùlù 8:2 - The New Testament in the Babanki language

² Ghə̀ shyèʼ akəshi, a kə laynə kwʉ̀ʼ, a diʼ to no ngə̀ŋ Nyìngòŋ akàŋ a Bobo bwòmə ko ndiʼ la à bwòm viʼi.

Hibùlù 8:2 ပူးပေါင်းရင်းမြစ်များ

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Lumans 15:8

Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

2 Kolìntyàns 5:1

Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

Kòlòsyàns 2:11

Və nshɨtə li ghə̀ŋ ando ghə̀ŋ nsə diʼ a kənyʉ̀ kə mùʼ vye vəwenə. Əshɨtə na ghenə ko diʼ yi a viʼi nə̀ shɨtə ne kəvu kə. A diʼ yi a Klistò ə shɨtə, ə shisə ətyɨm ə byɨghə fa ghə̀ŋ wen.

Hibùlù 10:11

Nò tèbe pfèm ngə̀ŋ Nyìngòŋ ə kò ə nè shwèʼè ə wen ku kəku a Nyìngòŋ to mə ntʉʼ ntsèm, ali ko kəku kə vəwenə a kenkə zi kə lu ne la ghə̀ tsəʼsə mbyɨsə wìʼ.

Hibùlù 10:21

Ando vəghəŋ ə kiʼi pfèm ngə̀ŋ Nyìngòŋ ə to, ghə̀ lyè no gho a ngə̀ŋ Nyìngòŋ,

Hibùlù 11:10

Ablaham ə̀ nki dyʉ̀sə nə̀ ntə̀ʼ yi a Nyìngòŋ ə nlyɨ̀ əzhʉ̀ ə bwòm ə kuʼsə, ghə̀ diʼ mù ghə̀ zizi ko ghə̀ lu fəŋ.

Hibùlù 9:1

Məkàyn mə mbì mì a Nyìngòŋ ə nzhɨ̀ wenə viʼi ə nkiʼi təsoʼ a tə diʼi ji yì a viʼi ə diʼ ə nkuʼsə Nyìngòŋ fa tsu be nə̀ kəshi kəlaynə kə a nshɨtə viʼi a və ndiʼ nkuʼsə Nyìngòŋ tsu.

Kəmwetə 21:3

Ma be zhʉ ghɨ ə to ə tsen ando ghə̀ fʉ̀ vi fa kəkɨ təfòyn ayi, ghə̀ gàʼ a mò la, “Yen a, Nyìngòŋ ə na ntsi wenə viʼi luwen. Ghə̀ na diʼ wenə vəwenə, vəwenə diʼ viʼi wen. Nyìngòŋ no fa wen a ngeŋ na diʼ wenə vəwenə.