Hibùlù 7:6 - The New Testament in the Babanki language

⁶ Mèlìkisedèk ə ko ndiʼ wù ngwaʼ ə ngəŋ ə Levì ali ə shi kəfo kə mùʼ fa tyi əfo wum fa Ablaham ə be bwàʼsə Ablaham, a diʼ wen yi a Nyìngòŋ ə nghʉ̀ la ghə̀ ne nyʉ̀ a wen.

Hibùlù 7:6 ပူးပေါင်းရင်းမြစ်များ

Shwèʼ 3:25

Nyʉ̀ venə no tsèm a Nyìngòŋ nghʉ li ə chò fà nshə̀ʼtə̀sə wen lə̀ dìʼ à ghə̀ŋ, ghə̀ŋ be dìʼ a tì məkàyn mì a Nyìngòŋ nzhɨ wenə̀ vətìʼ vəŋə və mbì ando ghə̀ ngàʼa à Ablaham la, ‘Mà lu chò fà vunə ngwàʼa ngə̀ŋ wù ə bwaʼsə viʼi no vətsèm a nse a shèn.’

Lumans 4:13

Nyìngòŋ ə wʉ̀ a Ablaham wenə ngwaʼ ə ngə̀ŋ ə wen la ghə̀ lu ku mbi a vəwenə, a kodiʼ byìʼì ando vəwenə ə zhʉtə Əsoʼ. A ndiʼ byìʼì ando ghə̀ byɨmə Nyìngòŋ, ghə̀ lyɨ̀ wen a wù kənyʉ̀ kətɨməkə.

Lumans 9:4

Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

Gàlesìyà 3:16

Nyìngòŋ ə nghʉ li kənyʉ̀ ken a Ablaham wenə ngwaʼ wen. Ŋwàʼlə̀ Nyìngòŋ ko gàʼ la və ku a wenə vunə və ghoʼo və. Ŋwàʼlə̀ Nyìngòŋ tòŋtə to wàyn ə mùʼ, wàyn na ghèn diʼ Klistò.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 11:17

Ablaham əbyɨmə li Nyìngòŋ ə sə kəŋ ə ku wàyn ə wen ə mùʼ yi a ghə̀ ə nkiʼi a kəku a Nyìngòŋ ando Nyìngòŋ ə mwomsə wen, no tèbe ando ghə̀ ghʉ̀ a wen la ngwaʼ ə ngə̀ŋ ə wen lu fʉ̀ fa Izìk ə wàyn wen a ghèn.

Hibùlù 7:1

Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 7:7

Kə diʼ to no nəmwèʼè la Mèlìkisedèk ə kuʼmə chò Ablaham byìʼì ando à nə̀ lu to wìʼ yi a ghə̀ kuʼmə, ə bwaʼsə ghətsen a ghə̀ ko kuʼmə zaʼa a nə̀ wen.