Hibùlù 7:2 - The New Testament in the Babanki language

² Ablaham ə ntsentə li əfo vyi a ghə̀ kiʼi fa ghòŋ ə gə̀tə̀ əshi əwùm ə ku kəshi kə mùʼ fa tyi shi ə wù na vyi a Mèlìkisedèk. Əzhiʼ ə wen ghenə la Mèlìkisedèk ndiʼ a gàʼà Hibùlù la, “Fòyn Kənyʉ̀ kətɨməkə.” Ghə̀ ndiʼ fòyn Salèm, Salèm diʼ a gaʼa Hibùlù la, “mbwaʼmə.” To ando ghə̀ ndiʼ fòyn nə̀ Salèm kə lə diʼi la ghə̀ ndiʼ Fòyn mbwaʼmə.

Hibùlù 7:2 ပူးပေါင်းရင်းမြစ်များ

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Lumans 3:26

Ali sə diʼi luwen la ghə̀ diʼ to fəchìʼ, lyɨ no ndo yi a ghə̀ byɨmə a Yesò a wù kənyʉ̀ kətɨməkə.

Hibùlù 7:1

Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 7:3

A diʼ a Ŋwàʼlə̀ Nyìngòŋ ko ndiʼ la və shə̀ʼtə̀ la tiʼi wen ndiʼ ndò lo, lì wen diʼ ndò lo. Və ko gàʼ tèbe kənyʉ̀ kumə vətiʼi vəwenə, ko və lù ə gàʼ kənyʉ̀ kumə ə tʉʼ yi a və mbwi wen nə̀ ə tʉ a ghə̀ mpfʉ. Kə le diʼi la ghə̀ faŋ li a pfèm ngə̀ŋ Nyìngòŋ to ə ghayn ə mùʼ to ando Wàyn Nyìngòŋ nfaŋ li to ghàyn ə mùʼ.