အွန်လိုင်း သမ္မာကျမ်းစာ

« အရင်

နောက်တစ်ခု »

Hibùlù 7:19 - The New Testament in the Babanki language

¹⁹ Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Hibùlù 7:19
29 ပူးပေါင်းရင်းမြစ်များ

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

အခန်းကိုကြည့်ပါ။

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

အခန်းကိုကြည့်ပါ။

Shwèʼ 13:39

Kə be dìʼì la no ndò à ghə̀ lyesə wen, ghə̀ à bwòŋsə̀ wen fà wen a nyʉ̀ byɨvə a soʼ Mosìs nko zì ghə̀ bwoŋsə.

အခန်းကိုကြည့်ပါ။

Lumans 5:2

A ne wen la vəghəŋ nkiʼi ətyɨm ə jùŋə ghə Nyìngòŋ ə byìʼì əbyɨmə ə vəghəŋ. Vəghəŋ ə ti to a kwi ətyɨm ə jùŋə ghə̀ a ghèn be naynə, kɨ nəmwèʼè la Nyìngòŋ ə lu gətə ku vəghəŋ nə̀ əbayn yì a ghə̀ kiʼi.

အခန်းကိုကြည့်ပါ။

Lumans 7:7

Kənyʉ̀ na kènkə diʼi la gho? Kə le kəʼə la Əsoʼ ə Nyìngòŋ ə diʼ kəfo kə byɨkə mu? Kə ko diʼ ali no faphen byìʼì ando a bwèn fa ə Əsoʼ mu ma ko kɨ kənyʉ̀ ki a mbyɨ diʼ kəwenkə. Əsoʼ tə faŋ ke gàʼ la, “kə ashɨ ə ghəŋə baŋə a fo ə viʼi,” mu ma ko kɨ kənyʉ̀ na kènkə.

အခန်းကိုကြည့်ပါ။

Lumans 8:3

Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

အခန်းကိုကြည့်ပါ။

Gàlesìyà 2:16

alì kɨ la və ko ghʉ tebè to la wìʼ diʼ nti a nkayn byìʼì ando ghə̀ ghʉ Əsoʼ viʼi Jus. Wìʼ diʼ nti a nkàyn azhʉ̀ a ghə̀ byɨmə a Yesò Klistò. Vəghəŋ ə sə diʼ mù vəghəŋ be byɨmə a Yesò Klistò ndiʼ vəghəŋ ə ndiʼ a ji tɨmə ashɨ Nyìngòŋ. Əsoʼ ə zizi ko ghə̀ lù ne la wìʼ ə nti a nkàyn ashɨ Nyìngòŋ.

အခန်းကိုကြည့်ပါ။

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

အခန်းကိုကြည့်ပါ။

Gàlesìyà 3:24

Əsoʼ ə ntùʼmə̀ to tuʼmə nə̀ vəghəŋ ə zaʼa ando Klistò ə nvi ə nè la vəghəŋ diʼi viʼi kənyʉ̀ kətɨməkə byìʼì əbyɨmə.

အခန်းကိုကြည့်ပါ။

Efisyàns 3:12

Əbyɨmə ə vəghəŋ ə̀ tsentə yì a vəghəŋ ə kiʼi vəghəŋ və Klistò ne li la vəghəŋ ə diʼ mù və zizi və sə dyʉ̀ a Nyìngòŋ ko və lu fwàynə̀ tebè kəfo, kɨ nəmwèʼè la ghə̀ a shisə vəghəŋ.

အခန်းကိုကြည့်ပါ။

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

အခန်းကိုကြည့်ပါ။

1 Timotì 1:1

A nyòʼò mò Bol, nyòʼo ŋwàʼlə̀ ghèn mu à tsuʼ Nyìngòŋ wenə Yesò Klistò ntsuʼ mo la mà ə ndìʼ wù ə ntɨm ə̀ Yesò Klistò. A dìʼ Nyìngòŋ yì a ghə̀ mbwòŋsə̀ vəghəŋ fa mbyɨsə wenə Yesò Klistò yì a vəghəŋ ə kə̀ʼtə̀ wen, kɨ nəmwèʼè la ghə̀ vì.

အခန်းကိုကြည့်ပါ။

Hibùlù 10:1

Təsoʼ tə Mosìs tə ndiʼ to ne kədèmdèm kə ə jùŋ yi a ghə̀ ndiʼ lù vì. A ko ndiʼ jùŋ a yi. Viʼi ə nkù zomtə kəku a Nyìngòŋ nə̀ ngwʉ̀ʼ nə̀ ngwʉ̀ʼ, a li ko kəku a kenkə diʼ mù kə zizi kə lu ne la vəwenə viʼi a və kəŋ nkuʼsə Nyìngòŋ ə ndiʼ viʼi kənyʉ̀ kətɨməkə ashɨ Nyìngòŋ.

အခန်းကိုကြည့်ပါ။

Hibùlù 11:40

Kə ndiʼ alə̀ byìʼì ando Nyìngòŋ ə ndiʼ mu ghə̀ baʼtə̀ li kənyʉ̀ a vəghəŋ, kə bòŋ chò kənyʉ̀ kì a kə ndiʼ a məkàyn mə mumə̀ nə̀ ji yi a vəwenə ə̀ nkuʼsə Nyìngòŋ fa tsù. Ghə̀ ndiʼ mu ghə̀ baʼtə̀ li la ghə̀ lu tsèntə lyɨ vəghəŋ nə̀ vəwenə to kətsi kə mùʼ ə nè vəghəŋ ndiʼ viʼi kənyʉ̀ kətɨməkə a wen a shɨ.

အခန်းကိုကြည့်ပါ။

Hibùlù 11:6

Wìʼ faŋ ke nkiʼi əbyɨmə ko ghə̀ a ne kənyʉ̀ kə ne Nyìngòŋ saŋlə. No ndò a ghə̀ kəŋ ə nkuʼsə Nyìngòŋ, diʼ ə byɨmə la ghə̀ diʼ, bwaʼsə viʼi vyi a və kəŋ kɨ Nyìngòŋ.

အခန်းကိုကြည့်ပါ။

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

အခန်းကိုကြည့်ပါ။

Hibùlù 4:16

A lə kənyʉ̀ ki a kə bòŋ la vəghəŋ maʼa əfwàyn ə vi boʼsə kəkɨ kə təfòyn yi a Nyìngòŋ ne diʼi ətyɨm ə jùŋə ghə̀ a viʼi a vyi. Ghə̀ kiʼi ətyɨm ə jùŋə ghə̀, diʼ ə nə̀ kusə shɨnsə a vəghəŋ, ə gyamtə vəghəŋ azhʉ ngəʼ.

အခန်းကိုကြည့်ပါ။

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

အခန်းကိုကြည့်ပါ။

Hibùlù 7:11

Nyìngòŋ ə nku Əsoʼ a viʼi Islel a tʉ a viʼi ngwaʼa ngə̀ŋ ndiʼ vəpfèm və ngə̀ŋ Nyìngòŋ. A tə ndiʼ la shyèʼ ə vəwenə ə nkʉʼʉ ə nè la viʼi ndiʼ viʼi kənyʉ̀ kətɨməkə mu Nyìngòŋ nko be ntɨm pfèm ngə̀ŋ Nyìngòŋ ə tsen ghə̀ diʼ to ji yi a Mèlìkisedèk ə ndiʼ andiʼ wu ngwaʼ ngə̀ŋ Alòyn.

အခန်းကိုကြည့်ပါ။

Hibùlù 7:20

Kənyʉ̀ kətsen a vəghəŋ be diʼ kɨ diʼ la Nyìngòŋ nkàyntə̀ li la Klistò lu faŋ a pfèm ngə̀ŋ Nyìngòŋ to ghayn ə mùʼ. Ali ghə̀ kò sə ghʉ̀ viʼi vətsenvə a vəpfèm və ngə̀ŋ Nyìngòŋ ə kàyn kənyʉ̀,

အခန်းကိုကြည့်ပါ။

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

အခန်းကိုကြည့်ပါ။

Hibùlù 8:6

Ə gàʼ kənyʉ̀ kumə shwèʼ yì a Yesò ə ne, ghə̀ shwèʼè chò və pfèm və ngə̀ŋ Nyìngòŋ a venə. Məkàyn mì a Nyìngòŋ ə zhɨ̀ wenə viʼi ə chò məkàyn mə mumə̀ byìʼì ando Nyìngòŋ ə ghʉ̀ li kəfo a kì, kə chò əfo vyi a ghə̀ ə̀ nku a viʼi fa ambì.

အခန်းကိုကြည့်ပါ။

Hibùlù 9:9

Nakènkə ə diʼ nchwi ə diʼ a vəghəŋ a mbyi luwen la kəku ki nə̀ nyam shisə a və kù a Nyìngòŋ ə zizi ko kə lu ne la tətyɨm tə viʼi vyi a və kùʼsə Nyìngòŋ nə̀ laynə ashɨ Nyìngòŋ.

အခန်းကိုကြည့်ပါ။

Jems 4:8

Ghə̀ŋ vìtə̀ boʼsə Nyìngòŋ a ghə̀ a vìtə̀ ə boʼsə ghə̀ŋ. Ghə̀ŋ shʉ avu a ghəŋə fa nyʉ̀ byɨvə ghə̀ŋ ə viʼi nè nyʉ̀ byɨvə venə. Ghə̀ŋ shʉ tətyɨm ə təŋtə fa nyʉ̀ byɨvə ghə̀ŋ a viʼi tətyɨm tə̀ bò venə.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ