Hibùlù 7:1 - The New Testament in the Babanki language

¹ Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 7:1 ပူးပေါင်းရင်းမြစ်များ

Ŋwàʼlə̀ Mak 5:7

ə̀ zɨ̀mə nò a gɨ to gàʼà la, “Wù kəŋə ghò fà mò a Yesò ə wàyn Nyìngòŋ yì a ghə̀ ŋaŋtə li nkwʉʼ lì? Mà sensə̀ wù a zhiʼ Nyìngòŋ la kə wù à ku ngəʼ à mò!”

Shwèʼ 16:17

Ghə̀ dzɨ̀mtə̀ yo və Bol, zɨmə̀ gàʼà vì tò la, “Viʼi venə diʼ viʼi a və shyèʼè à Nyìngòŋ yì a ghə̀ Ŋaŋtə Chò vənyìngòŋ no vətsèm lì. Vəwenə shə̀ʼtə̀ jì a Nyìngòŋ zì ghə̀ bwoŋsə ghə̀ŋ fa tsu.”

Hibùlù 6:20

Yesò kwen li akəshi na ghèn a ambì byìʼì vəghəŋ. Ghə̀ diʼi pfèm ə ngə̀ŋ Nyìngòŋ ə ŋaŋtə to məzhʉ̀ ə tsèm to a ji yi a Mèlìkisedèk ndiʼ fa tsù.

Hibùlù 7:2

Ablaham ə ntsentə li əfo vyi a ghə̀ kiʼi fa ghòŋ ə gə̀tə̀ əshi əwùm ə ku kəshi kə mùʼ fa tyi shi ə wù na vyi a Mèlìkisedèk. Əzhiʼ ə wen ghenə la Mèlìkisedèk ndiʼ a gàʼà Hibùlù la, “Fòyn Kənyʉ̀ kətɨməkə.” Ghə̀ ndiʼ fòyn Salèm, Salèm diʼ a gaʼa Hibùlù la, “mbwaʼmə.” To ando ghə̀ ndiʼ fòyn nə̀ Salèm kə lə diʼi la ghə̀ ndiʼ Fòyn mbwaʼmə.

Hibùlù 7:3

A diʼ a Ŋwàʼlə̀ Nyìngòŋ ko ndiʼ la və shə̀ʼtə̀ la tiʼi wen ndiʼ ndò lo, lì wen diʼ ndò lo. Və ko gàʼ tèbe kənyʉ̀ kumə vətiʼi vəwenə, ko və lù ə gàʼ kənyʉ̀ kumə ə tʉʼ yi a və mbwi wen nə̀ ə tʉ a ghə̀ mpfʉ. Kə le diʼi la ghə̀ faŋ li a pfèm ngə̀ŋ Nyìngòŋ to ə ghayn ə mùʼ to ando Wàyn Nyìngòŋ nfaŋ li to ghàyn ə mùʼ.

Hibùlù 7:6

Mèlìkisedèk ə ko ndiʼ wù ngwaʼ ə ngəŋ ə Levì ali ə shi kəfo kə mùʼ fa tyi əfo wum fa Ablaham ə be bwàʼsə Ablaham, a diʼ wen yi a Nyìngòŋ ə nghʉ̀ la ghə̀ ne nyʉ̀ a wen.