Hibùlù 6:4 - The New Testament in the Babanki language

⁴ Wìʼ sətsèn màʼ əbyɨmə wen ə moʼtə Nyìngòŋ mu ghə̀ zì ghə̀ be bwenə vi a Nyìngòŋ a le? Wìʼ sətsen yen əbayn ə Nyìngòŋ ə be yenə jùŋ yì a ghə̀ kù ə kiʼi Kəzhwì kə Ŋwoʼkə,

Hibùlù 6:4 ပူးပေါင်းရင်းမြစ်များ

Matìyò 12:45

kə bwènə̀ dyʉ̀ lyɨ̀ zhwì byɨvə tsenəvə sòmbo, və fàynsə̀ chò kəwenkə, və tsèntə̀ vì sə tsi a wèn wìʼ ayì. Kə nè lyɨ̀ kəshi a lì, wìʼ ayì sə fàynsə̀ chò ando ghə̀ tə ndiʼ fa mbì. A dìʼ tò alə̀ a kə lə ndiʼ à viʼi və byɨvə kəlyɨŋ kə luwèn.”

Matìyò 5:13

“Ghə̀ŋ dìʼ tò nə̀ fəmbvaŋ à viʼi mbyì. A sətsèn fəmbvaŋ fə faŋ ke be lyìmə̀, və à nè ghò tsu la fə be mbwènsə̀ lyìmə̀ a? Kə a ndiʼ tò la və chʉtə maʼa, viʼi ntuʼlə.

Joyn 15:6

A tyen no ndò la ghə̀ ko a faŋə a mo wen, və a təmə wen ə maʼa, to nə̀ ətam yi a və nə̀ chwaynə mòʼ, ghə̀ zɨm. Və nè bwensə boŋtə tətam a tentə ə nyuʼ azhiʼ.

Joyn 3:27

Joyn gàʼ a vəwenə la, “Wìʼ zi ghə̀ ne to kənyʉ̀ kì a Nyìngòŋ ə ku kədyòʼ la ghə̀ ə nè.

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Joyn 6:32

Yesò ə gàʼ a vəwenə la, “Ma gaʼa a ghə̀ŋ tò no nəmwèʼè la, a ko nku Mosìs əku fozhɨvə vyi a və lù kaŋ a ghə̀ŋ. A boŋsə ku Tìʼ ghom ə ku nkàyntə̀ ə fozhɨvə vyi a və lù fa kàŋ.

Shwèʼ 10:45

Vəjew vəbyɨməvə vi a wenə̀ və Bità mvi fa Joba a muʼu lì ndìʼ nə̀ kaynə ando Nyìngòŋ nku Kəzhwì kə ŋwòʼəkə à viʼi tɨm,

Shwèʼ 11:17

Mà mù ə̀ nyen nəmwèʼè la Nyìngòŋ tə kù Kəzhwì kə ŋwòʼəkə à viʼi tɨm a vyi tò ndə̀ŋndəŋ ando ghə̀ nku à vəghəŋ a tʉʼ a vəghəŋ mbyɨmə̀ à Bobo Yesò Klistò. Mà tə ndiʼ ndò ətàm kənyʉ̀ kì a Nyìngòŋ nkiʼi ənè a.”

Shwèʼ 15:8

Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ.

Shwèʼ 8:20

Bità bwènsə̀ gàʼ à wen la, “Məntùŋ myə̀, wenə̀ ko wu ayi, byìʼàndo wù kwòʼtə la wù zì wù zen kəfo a, à kù Nyìngòŋ nə̀ ko!

Lumans 1:11

Ma jɨ̀mə̀ alə̀ byìʼì ando ma kòŋ no nànto ə vi ə yen ghə̀ŋ, ə gàʼ kumə bwaʼsə yì a Nyìngòŋ ə bwaʼsə viʼi nə̀ Kəzhwì kə ŋwoʼkə. Ma vi, gaʼa alə̀ ndi ghə̀ŋ ə̀ totə to a kəzhwì.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 3:2

Ghə̀ŋ shə̀ʼtə̀ kənyʉ̀ kəmùʼ ken a mò. Ghə̀ŋ shə̀ʼtə̀ a mò la, Nyìngòŋ nku kəzhwì kə wen a ghə̀ŋ byìʼì ando ghə̀ŋ ghʉ Əsoʼ mu ghə̀ nku byìʼì ando ghə̀ŋ zhʉ̀ ntɨm ə jùŋ ə byɨmə lo?

Gàlesìyà 3:5

Nyìngòŋ ə nku kəzhwì kə wen a ghə̀ŋ ə be nè nyʉ̀ ə kaynəvə a ghə̀ŋ a ntìntìn byìʼì ando ghə̀ŋ ghʉ Əsoʼ mu, mu byìʼì ando ghə̀ŋ nzhʉ̀ ntɨm ə jùŋ ə byɨmə lo?

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Efisyàns 2:8

A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

Efisyàns 4:7

Alì no ndò fa vəghəŋ a ntìntìn ə shəʼmə kəku kə wen to ndə̀ŋndəŋ ando Klistò kòŋ li ə ku.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Timotì 4:14

Alèksandà a ghə̀ tì kəlàm tə mwòm kənyʉ̀ à mò wen kə fànsə̀ no nànto. A ne loʼ to Bobo loʼ wen byìʼì kənyʉ̀ a kì.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

1 Joyn 5:16

A sətsèn à yen tè ndò yèn lèmə̀ wen ghə̀ nè mbyɨ, a ko diʼ mbyɨ a ghə̀ gə̀sə̀ wen fa əbwòŋ. Ghə̀ jɨ̀mə̀ a Nyìngòŋ a ghə̀ a ku əbwòŋ à wen. Kènkə dyʉ̀ a viʼi vi a mbyɨsə vəwenə sə diʼ shìsə a sə ko gə̀sə̀ vəwenə fa bwòŋ lì. Mbyɨ dìʼ a ghə̀ gə̀sə̀ viʼi fa bwòŋ. Mà ko gàʼà la wìʼ jɨm byìʼì nki mbyɨ aghèn.