Hibùlù 5:12 - The New Testament in the Babanki language

¹² Ghə̀ŋ sə diʼ ə ndiʼ luwen mu ghə̀ŋ sə ziʼi viʼi nə̀ kənyʉ̀ kə Nyìngòŋ ali kə bo boŋ wìʼ be ziʼi ghə̀ŋ nə̀ nyʉ̀ ə mbì vyi a ghə̀ŋ, a ghə̀ŋ diʼ zhʉ kumə kənyʉ̀ kə Nyìngòŋ. Ghə̀ŋ bo diʼ to ə nyoŋ zhwin to nə̀ vunə və bwaʼvə. Ghə̀ŋ ko təmə ə kwʉ̀ʼ nzhɨ̀ əfo ə zhivə ə tovə.

Hibùlù 5:12 ပူးပေါင်းရင်းမြစ်များ

Matìyò 17:17

Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.”

Ŋwàʼlə̀ Mak 9:19

Yesò gàʼ à vəwenə la, “Ghenə diʼ viʼi kəlyɨŋ kə kò a və ghò byɨmə alə̀ a? Mà a ndiʼ vəghəŋ əzaʼa fa ze bu ghə̀ŋ byɨmə a? Vi nə̀ wàyn ayì à mò.”

Shwèʼ 7:38

A bè dìʼ tò wen a ghə̀ ndiʼì we vu Islel ando vəwenə ntsèntə̀ a nse zɨm. Ghə̀ ndìʼ tsu wenə̀ vətìʼ və vəghəŋ və mbì bènə̀ ntsɨ̀ŋ ngə̀ŋ Nyìngòŋ yì a ghə̀ ə gàʼ à wen a pfèn Sinyà ə̀ kù təsoʼ tìtə la ghə̀ ku à vəghəŋ.

Lumans 3:2

Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

1 Kolìntyàns 14:19

Alì mu mà yi ngàʼà a ngə̀ŋ ə Nyìngòŋ, mà ne kòŋ ə gàʼ to nyʉ̀ à tayn la viʼi zhʉ kɨ ə ziʼi kənyʉ̀ fa kənyʉ̀ a ma gàʼà chò ando mà yi gàʼà nyʉ̀ nkamsə əwùm a təgaʼ tə kədyàŋ, ko viʼi lu ə nzhʉ.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

Gàlesìyà 4:3

Kə diʼ to ndə̀ŋndəŋ ando vəghəŋ ə mbo ndiʼ ko vəghəŋ kɨ nyʉ̀ vyi a və diʼi nəmwèʼè, vəghəŋ shyèʼ kəkòs a zhwì vyi a və soʼo mbi.

Filìbàyns 3:1

Ə myètə̀ a vəlèmə̀ vwomə, ghə̀ŋ ə nsaŋlə̀ la ghə̀ŋ dìʼ a kənyʉ̀ kə mùʼ wenə və Bobo. Kə ko ku ngəʼ à mò ə mà be ə̀ zòmtə nyòʼ ənyʉ̀ à ghə̀ŋ a mà sə̀ diʼ mu mà nyòʼò li. Ə nyʉ̀ avenə be a ntsɨ̀ŋə̀ ghə̀ŋ.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Hibùlù 5:11

Ənyʉ̀ ə diʼ to kədə̀ŋ ə gàʼ a ghə̀ŋ kumə kənyʉ̀ na kènkə ali kə ko bwaʼmə ə gàʼ byìʼì ando ghə̀ŋ ko zaŋsə zhʉ̀ kɨ kənyʉ̀.

Hibùlù 5:13

Nò ndo yi a ghə̀ bo nyoŋ to zhwin a diʼ wàyn ə bwaʼa, ko ghə̀ lə yen ə kɨ kənyʉ̀ ki a kə diʼ kənyʉ̀ kə tɨməkə ashi Nyìngòŋ.

Hibùlù 6:1

Kə lə diʼi la vəghəŋ ə diʼ ko di faŋ to a ziʼi ə mbì yì a və ziʼi vəghəŋ kumə Yesò ə kwen ə dyʉ̀ a ntìntìn əziʼi ə laynə ghə̀. Kə vəghəŋ na faŋ to nyʉ̀ ə mbì nziʼi to la viʼi bwensə tətyɨm tə vəwenə fa nyʉ̀ ə əbyɨvə a və vì nə̀ əpfʉ̀ əbyɨmə a Nyìngòŋ,

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.