Hibùlù 4:9 - The New Testament in the Babanki language

⁹ Kə le diʼi la kəshi kə ə bo diʼ a viʼi Nyìngòŋ lù kwen tsu ə kiʼi ə nzhʉtə to ndə̀ŋndəŋ ando Nyìngòŋ ə nzhʉ̀tə li a mətsi sòmbo.

Hibùlù 4:9 ပူးပေါင်းရင်းမြစ်များ

Matìyò 1:21

Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 11:25

Ghə̀ ə mboŋsə kòŋ ə yenə ngəʼ wenə viʼi Nyìngòŋ vətsenvə, chò ando ghə̀ ndiʼ nzhɨ̀ njùŋ wenə viʼi nyʉ̀ ə byɨvə, ko njùŋ a yi diʼ faŋ.

Hibùlù 3:11

Ma ə fwisə tin ə kàyn la, ‘Vəwenə ko lu kwen tebè akəshi yi a mà tə ndiʼ lù ku zhʉtə a vəwenə tsu.’”

Hibùlù 4:1

Nyìngòŋ ə nghʉ̀ la vəghəŋ lu kwen akəshi yi a ghə̀ diʼi tsu kə kiʼi nzhʉtə. Kənyʉ̀ a kenkə a ghə̀ nghʉ kə bo ti. Ghə̀ŋ diʼ ntuʼmə kə wìʼ fa ghə̀ŋ ə ne faŋ ke kiʼi nzhʉtə na ghèn.

Hibùlù 4:10

Nò ndò yi a ghə̀ kwen a akəshi kə zhʉ̀təkə Nyìngòŋ a ghèn ne ə zhʉtə fa wen əshwèʼ to ndə̀ŋndəŋ ando Nyìngòŋ ə nzhʉ̀tə ando ghə̀ mwetə shwèʼ wen.

Hibùlù 4:3

Vəghəŋ vi a və byɨmə lu kwen akəshi kə zhʉ̀təkə Nyìngòŋ na ki. Alì viʼi vyi a və ko byɨmə, ghə̀ gàʼ la, “Tinə ə ghom ə nfwi li, ma kàyntə̀ la, Vəwenə ko lə̀ kwen akəshi yi a mà tə ndiʼ lù ku əzhʉtə a vəwenə tsu.” Nyìngòŋ ə ngàʼa no tèbe alə̀ mu ghə̀ sə diʼ mù ghə̀ ə mwetə li shyèʼ wen to achʉʼ a ghə̀ nshɨtə mbyi.

Hibùlù 4:8

A tu ndiʼ la kəshi kə zhʉ̀təkə kì a Nyìngòŋ ngàʼa ə ndiʼ ki a Joshùwà ə nlyɨ̀ kwen nə̀ vətiʼ və vəghəŋ tsu, mu ghə̀ ko bè ə ngàʼà kumə kətsi kə tsenkə.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”

Kəmwetə 21:4

Ghə̀ lu chì məshɨ no ə tsèm fa ashɨ nə̀ vəwenə ko pfʉ ə na be ndiʼ. Wìʼ ko bè diʼ lu kusə tebè shɨnsə, ko ghə̀ di, ko kəfòkə ə be zàfə tebè wìʼ byìʼì ando nyʉ̀ ə muvə chò li.”