Hibùlù 4:7 - The New Testament in the Babanki language

⁷ Nyìngòŋ ə mu ghʉ̀ ə kwʉ̀ʼsə kətsi kə tsenkə lù lyɨ̀ viʼi akəshi kə zhʉ̀təkə ə wen, toŋtə kətsi na kì la, “Layn.” A ndiʼ ando Nyìngòŋ ə gàʼ a vunə Islel, no fa kəgaf kə ə dyèfə kə, ghə̀ ə be gàʼ ə chò fa Devìt, to ndə̀ŋndəŋ ando ghə̀ŋ sə diʼ mù ghə̀ŋ zhʉ li la: “Ghə̀ŋ zhʉ gɨ Nyìngòŋ layn, kə ghə̀ŋ a to kətʉ̀.”

Hibùlù 4:7 ပူးပေါင်းရင်းမြစ်များ

Matìyò 22:43

Yesò bèm à vəwenə la, “A zhʉ a kə diʼ a lì byìʼì ghò a kəzhwì kə ŋwoʼəkə ne la ghə̀ dzàŋ wàyn wen aghèn la Bobo a? Mà bèm alə̀ byìʼàndo Devìt nlù gàʼ la,

Ŋwàʼlə̀ Mak 12:36

Kəzhwì kə ŋwoʼkə ne li Devìt gàʼ, gàʼà la, “Bobo Nyìngòŋ ngàʼa à Bobo ghom la, ŋwʉʼmə a shyə kwòŋ toghə mò əzaʼa fa tʉʼ a ma ghʉ viʼi kəbàyn wù à wù a tì aghʉ.”

Ŋwàʼlə̀ Luk 20:42

Gaʼa ko nkàntə̀ Devìt ngàʼa a ŋwàʼlə̀ Salms la: ‘Bobo ngàʼa a Bobo ghom la, Ŋwʉʼmə ashə̀ kwòŋ toghə mò

Shwèʼ 2:29

Bità mù dyʉ̀ mbì əgàʼ la, “Vəlèmə̀ vwomə, mà zì ma gàʼ à ghə̀ŋ no nəmwèʼè byìʼì tìʼ vətìʼ və vəghəŋ ghə̀ mbì ə fòn Devìt la ghə̀ mpfʉ li, və bvɨ̀mə̀ wen, se wen bo sə diʼ əkuʼ əzaʼa lan.

Shwèʼ 2:31

Ghə̀ nyen li kənyʉ̀ kì a Nyìngòŋ ndìʼ ne nè mibu zhʉ yi kuʼ ə̀ kwʉ̀ʼ mù gàʼ kùmə̀ wìʼ yì a Nyìngòŋ ntsuʼ li ə̀ ghʉ la ghə̀ lu lù fa pfʉ la, ‘Nyìngòŋ ko lu kyemə wen a loʼ viʼi vəpfʉkəvə, bvenə ə wen ko lu fwè.’

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Hibùlù 3:15

Kə diʼ to ando və nyoʼ a Ŋwàʼlə̀ Nyìngòŋ la: “Ghə̀ŋ zhʉ gɨ Nyìngòŋ layn, kə ghə̀ŋ to kətʉ ando vətiʼi vəŋə nto kətʉ ando vəwenə ndiʼ a nse zɨm.”